Connect with us

Man A Ngei Tukmi Capar Pakhat, Lanh Tak Lo In Rel Ve Hmanh

mitcaw

Education

Man A Ngei Tukmi Capar Pakhat, Lanh Tak Lo In Rel Ve Hmanh

A hlan ah mipa pakhat nih a mit khua hmu lomi a hawipa cu an inn ah zanriah ei a sawm, Rawl an ei caan a sau pah caah khua nih a muih kanh hna, Mitcaw pa nih khua a mui tuk cang ka ttin cang lai tiah a hawipa cu a chimh, Cu tik ah a hawipa nih meiin pakhat a pek… Mitcaw pa nih a hawi pa cu thinlinh buin mitcaw ka si na theih ko nain zeiruang ah dah meiin cu na ka pek na nehsawh bia maw a si tiah a ti.

Inn ngeitu pa nih cun” ka hawi kan nehsawh bia a si lo kan dawt ruang ah kan pek mi a si, Nang mah nih cun khua na hmu lo nain midang nih an in hmuh khawh lai, Cu ruangah khuamui lakah midang nih an in pah kho ti lai lo tiah a ti hnu lawng ah mitcaw pa cu a lung a hung pem tthan.

Kan theihfian ning daan aa khah lo ah cun a donghnak a phi chuak zong aa khat kho tawn lo, A caan ah cun midang sining le kan sining thleng in ruah piak a hau tawn, Zeithil paoh hmanh hi kanmah ruah nak cio in kan zoh ah cun kan hmuh ning aa khat kho bal lai lo.

(1) Fanu a ngeimi na si ah cun a (tlangval) a pasal ding nih chaw tampi kan man seh tiin nai ruahchan kho men, Fapa a ngeimi na si ah cun a (nungak) a nupi ding nih chaw tlawmte lawng kan hauh seh tiin nai ruahchan hrimhrim lai.

(2) Mo a ngeimi na si ah cun rian a tam tuk” Zeihmanh a thei lo tiah sual na phawt kho men, Fanu a ngeimi na si ah cun a pasal le chung khar a hip khomi siseh ti na duh hrimhrim fawn lai.

(3) Na ke in lam na kal caan ah mawttaw a mawng mi cung ah na mitkem lai, Mawttaw na mawngh caan ah ke in lam a kal mi cung ah na mitkem fawn lai.

(4) Hlawhfa ttuanmi na si ah cun ka boss te an hnem ning le an lungput tthat lo ning hi tiin na ruat lai, Nangmah mirum na si ah cun ka rian ttuan tu pawl hi (an thathu) awlzawh an kawl tuk rian an tei lo tuk tiin na ruat ve lai.

(5) Thil cawtu na si lio ah cun a zuartu pawl hi a miak tamtuk an ei tiah na ruat lai, Nangmah a zuartu na si caan ah cun thil cawtu pawl hi thil man det an tthawng tuk tiah na ruat fawn lai.

A zungzal in nangmah dirhmun lawng kha zoh loin midang dirhmun le khuasak nak ah khan i si ter chun ve hmanh, Na dirhmun le an dirhmun thleng in midang ca zong va ruah piak ve hna.Midang tuar nak na theihthiam mi thil zong hi zawnruah nak pakhat a si ve, Midang harnak na theihthiam piakmi hna zong hi dawtnak phunkhat a si ve ko, Midang palh nak na ngaihthiam khawh mi zong hi thinlung ruahnak a pical ngaimi na si a langhnak phunkhat a si ve tthiamtthiam.

Lyhealthcare

Click to comment

Leave a Reply

Your email address will not be published.

More in Education

Facebook

Rel Bikmi

To Top