Connect with us

Malaysia UNHCR Nih Cozah Thar Sinnak Ralzam Pawl Caah Nawlnak Atuah

UNHCR

World

Malaysia UNHCR Nih Cozah Thar Sinnak Ralzam Pawl Caah Nawlnak Atuah

Malaysia UNHCR nih Malaysia cozah thar (Pakatan Harapan Government) sin ah ralzam pawl phungning te in riantuannak nawl le umnak nawl pek ding in a forhfial. Malaysia UNHCR lutlai Richard Towle nih International hnatlaknak le fehternak tuah hau lo in Malaysia cozah lawng nih hi thil hi a tuah khawh mi asi ko tiah a chim.

Ralzam hi a ho an si tiah na theih ahcun , phunglam le nawlpek nak le himnak (security) hna hi fawideuh in na tawlrel khawh ko. Rian ngeitu zong nih riantuantu an herh, mah cucu ralzam nih tuan piak khawh asi. tiah atuni june 25 ahkhan a chim.

Malaysia cozah nih ralzam kong ahhin cun  1951 international Convention tuahmi  ah minthutnak fehternak kan tuah lai i  ral ruang ah Malaysia ram chung a rak zam mi cu thate in bawmhchannak pek an si te lai tiah an langhter ve.

Abiapi bik mi cu ralzam voco kha ningcang te in le tlamtling te in kalpi ding ah , atubak ah hika hmun bak ahhin Executive order hmang in tuah khawh asi ko tiah UNHCR lutlai Towle nih cun a chim ve.  Convention theng ah minthut hlan zong ah  a biapi tiah tuah mi le a herh mi thil tampi caah tuah khawh colh  asi ko tiah a chimchap.

Malaysia nih Convention ah min a thut lo ruang ah ralzam cung ah tuanvo a ngeilo tinak asi lo tiah a chim. Cun Malaysia nih Convention ah minthut a duh ko cang ahcun ralzam caah ningcang te in zulh ding mi  phunglam kha  chiah sehlaw tuah colh ding asi ko, cu ti a tuah ahcun UNHCR zong kan i lawmtuk ko lai kan dirpi colh ve lai tiah a chim.

Home Minister le UNHCR zong cu a rauh hlan ah tonbiaruahnak an ngei lai tiah theih asi, atukum 2018 May thla tiang ahkhan Malaysia UNHCR minung ralzam hi 157,580 kan si cuchung ahcun 72,490 ( 46%) hi Rohingya ralzam an si.

Malaysia nih 1951 refuges convention ah min a thut lo ruang ahhin ralzam voco hi ningcang in rian a tuan thiam lonak asi caah Malaysia cozah phunglam ah ralzam pawl hi phungning lo mipem ah ruah kan si . Cu caah Malaysia nih convention min a thut asi ahcun ralzam caah thatnak tampi a hung um deuh suamau ko lai. (Ahlan deuh zong ahkhan Cozah thar nih Covention ah minthut ding in a lungtling cang nak cu media nih an rak langhter bal cang.)

The Star

Click to comment

Leave a Reply

Your email address will not be published.

More in World

Facebook

Rel Bikmi

To Top