Malaysia UNHCR Lutlai Cu Nizan Ah “Lautu Biakinn” Ah Thlahnak An Tuah Piak

Malaysia UNHCR lutlai Richard Towel cu a thial ding asi cang caah  Nizaan 5.12.2018 ahkhan zaanlei sang suimilam 3 in 5 karlak ah Lautu biakinn ah thlahnak le thlacamnak an tuah piak tiah theih asi, hramthok thlacam ah CCF postor in an thok cun solo hlasak ah ACR in siang ngakchia nih a sak.

Thlahnak biatawi chim ah FRO in saya John nih  achim, cun ICC nih laksawng peknak an tuah mah dih hnu ah  ” Mangtha” lei in sayamah nu nih biachimnak a ngeih ve. Special thlacamnak le biatawi chimnak tete zong an ngei hna i amah Richard Towel pumpak zong in biatawi chimnak a ngeih ve. A donghnak ah Rev Henry VL Hmangaih thlacamnak in an donghter.

Richard Towel cu US ah a rauh hlan ah a kir cang lai New York zung ah a thut cang lai tiah theih asi, amah ai-awh in a ra ding mi zong cu a rauh hlan Malaysia UNHCR ah athu ve cang lai, mithar an i thlen hnu ah UNHCR policy thlennawnnak aum hnga maw timi hi ruahchannak ngeih cio cu asi.