Connect with us

Malaysia UNHCR Kan Boruak Kong Ah Chin Ralzam Hruitu Hna Thaizing Meeting An Ngei Than lai

Chin

Chin

Malaysia UNHCR Kan Boruak Kong Ah Chin Ralzam Hruitu Hna Thaizing Meeting An Ngei Than lai

Malaysia Chin ralzam kan boruak cu zapi nih kan theih cang bang, a ra lai mi 2019 december thla dih in cun UNHCR nih Chin miphun pawl cu ralzam ah cohlan kan si ti lai lo i kan ram ah kir ding in forhfial kan si. Hi kongkau he pehtlai in Malaysia Chin ralzam hruaitu (Independent Chin Community) ICC bu cu kan hnu June 18 ah meeting an ngei tiah theih asi. Chin Human Rights Organization (CHRO) zong Malaysia ah sawm ding in lungtlinnak an ngei.

ICC chungtel bu hna cu a tanglei langhter mi hi an asi

  1. Alliance of Chin Refugees (ACR)
  2. Chin Refugee Committee (CRC)
  3. Dai Community in Malaysia (DAI)
  4. Falam Refugees Organization (FRO)
  5. Zomi Association of Malaysia (ZAM)

Thaizing hi Biaknak lei hruaitu upa hna le Pastor te le ICC Chin ralzam hruitu upa hna cu Lautu biakinn ah suimilam 10 in tonbiaruahnak an ngeih than lai tiah theih asi, CHRO cu thawng an thanh cang ko hna nain July zarkhatnak tiang cu an i relrem deuh rih lo tiah theih asi. Thaizing an meeting ah Malaysia um Chin mipi caah zeitindah tuanvo an lak lai timi thawngpang fiang cu theih asi te lai. An khuakhannak ah Pathian nih lam hruai ko hna seh, kan umnak hmun cio in thlacamnak in rak bawmh cio hna usih.

Click to comment

Leave a Reply

Your email address will not be published.

More in Chin

Facebook

Rel Bikmi

To Top