Connect with us

Malaysia: Thlahlawn Tampi Pek In Rian Na Tuan lai Tiah An Hlen I Arnu An Tuanter Caah Aa That

arnu

World

Malaysia: Thlahlawn Tampi Pek In Rian Na Tuan lai Tiah An Hlen I Arnu An Tuanter Caah Aa That

Facebook account a hmangtu “ Daranibong Nurainee” timi pa nih  Kum 26 Thailand nu cu South Korean ram ah rawldawr hngaktu rian aum, thlakhat ah RM 8735 pek na si lai tiah bia a kamh cun na umkal nak i adih mi phaisa vialte zong liam piak dih na si lai tiah a chimh.

Thailand nu nih a chungkhar pawl an chim hna tik ah mi hlennawnnak asi ko lai kal duh hlah tiah an thloh asinain minu nih kan inn remhnak le chungkhar caah rian cu ka va tuan ko lai tiah a ti hna i April 26 ahkhan Malaysia ahcun a rak phan , a phak hnu ah Malaysia Thai rawldawr ah rian an tuanter.

A hnu ah minu nih a nu cu a rak pehtlaih i arnu rian (hlawhhlang) hramhram in an tuanternak kong a chimh, a duh lo caah rawl zong an pe duh lo nak, cun ekinn ti hna an dinter nak kong cu a chimh, cu lawng si lo in luatter than na duh ahcun agent tangka na liam dih lai tiah minu cu an ti chap.

A chungkhar pawlnih Report an pek hnu ah may 10 ah Malaysia palek nih  minu riantuannak ahcun operasi tlaihkhihnak an va tuah i Thailand nu le a hawile nu pathnih cu an  va khamh khawh hna. Mah hnu ah minu nih cun a chungkhat pawl cu Facebook in ca a kuat hna i a rauh hlan ah ka rak tlung lai tiah a ti hna, asinain kan hnu cacawn ni 5 ahkhan minu cu a mahte in a that tiah theih asi.

Hringtu nu nih a chimnak ah inn ah a rak kir deng cang mi asi i amah te in a nunnak a la timi cu ningcang lo in an tuah mi asi ko lai tiah a ruah. Asinain nawlngeitu lei nih an chimnak ahcun thailand nu hi atu hnu thlathum chung palek nih hren rih ding le biahalnak tuah rih ding asi caah lungrethei sivang in aum caah le a hnek khawh ti lo caah aa that mi asi tiah an chim.

MSN

Click to comment

Leave a Reply

Your email address will not be published.

More in World

Facebook

Rel Bikmi

To Top