Malaysia: Ralzam Riantuan Mi Kan Tlai Ti Hna lai Lo

Malaysia immigration zung nih ralram riantuan mi kan tlai ti hna lai lo tiah an chim,  ralzam nih riantuan hi phungning in pom mi cu a si hlei lo tiah Malaysia Immigration zung bawi Eadie Nor Faizal nih achim.

UNHRC card aa tlaih mi hna tawlrel nak caah phunghram thami (proper guidelinesk ) kan ngeih lo , tlaihkhihnak kan tuah tikah a hmun bak ah kan thlah than ko hna, an ngeihmi nuhrin covo kha upanak kan pek piak ko hna tiah nizan Oct 17 ahkhan  ralzam tawlrel ning kongkau ceihhmainak an ngeih lio ah achim.

Rianngeitu pawl nih ralzam cungah caan tha i lak hna kaw miaknak ah an hman tawn hna, kaphnih lungthlinak cahnah catlap ah minthut nak zong um lo , thlahlawh pek nan si ko lai tiah biakamnak sawhsawh men in an ti hna. Hi kongkau ahhin ka lungri  ngai mi asi, kan zohsawh hna i kan thlah hna zong ah hnahnawhnak um thiam, kan tlaih hna ah le thonginn chung ah a khanlawng ummi um fawn lo “ tiah a chim.

UNHCR card  taktak a tlaih mi cu kan thlah than ko hna lai, an mah zong minung bei an si,  an i cawm a hau, chungkhar ah zohkhenh awk an ngei. Asinain phungning in zoh ahcun phungning lo thiam asi ko tiah a chim.

Cozah thar nih hi kongkau ahhin zohthlainak a tuah awk asi tiah achimchap. September , 2018 tiangah 161,454 hi ralzam le asylum seekers UNHRC zohkhennak tangah an um, 90% hi Myanmar ramin an si a tam deuh hi Rohingya an si tiah theih asi.

The Star