Connect with us

Malaysia Rakhine Ralzam Hruaitu Upa Hna He Biaruahnak

ARRC

Myanmar

Malaysia Rakhine Ralzam Hruaitu Upa Hna He Biaruahnak

Malaysia ah Myanmar tlangcung mi ralzam ahcun Arakan( rakhine) ralzam milu hi a tamcem an a si lai, an nih hi UNHCR zong nih thleidaannak an tuah ngai mi tlangcung miphun an si ve, rakhine ralzam/mipem thonginn a rak tla mi poh cu UNHCR nih min khumhnak an rak tuah duh hna lo, minung tlawm te taktak lawng hi UNHCR  nih register a rak tuah hna, a dang poh hi cu nan nih Rakhine miphun hi cu zeiharnak hmanh nan ton lo Bubdhist biaknak bei nan si ko cu nan cozah nih dirkamh mi nan asi an rak ti hna i UN nih thonginn in a rak chuah duh hna lo. Myanmar Embassy tu nih tampi an rak chuah ve hna hi kawlram ah tlunak an rak tawlrel piak ve hna.

Cheukhat UNHCR officer pawl le bang nih cun nangmah Rakhine hi mithalo nan si Rohingya a thattu le a hremtu nan si zeitindah harnak kan ton tiah nan chim khawh mi zeihmanh nih harnak an i pek tung lo hna ti tiang in an rak ti hna. Pumpak keimah zong nih Rakhine ralzam kong hi theih ka duh ngai ve  caah Arakan Refugee Relief Committee (Malaysia) hruaitu pawl he tonbiaruahnak ka ngeih hna.

Q . Arakan Refugee Relief Committee hi zeitik kum indah nan rak dirh i riantuantu minung pa zeizat dah nan si?

Ans . 2007 in ARRC hi an rak dirhmi asi a tu ahcun kum 11 a tling ve cang, hlan ahcun riantuantu kan rak tam, atu ahcun minung 7 lawng kan si cang nu pakhat te a tel, ARRC zung tang ah derparment thengnge kan ngei lo, ngandamnak lei hi saya Myo nih a tlaih hi a dang poh hi cu a lawngkang mi poh nih thil sining hoih in kan tuan ko.

Q. ARRC Member zeizatdah nan si cu chung ahcunUNHCR card a tlaih mi zeizat dah nan asi?

Ans: ARRC hi a hlan ahcun a tingleng kai kan si a tu ahcun minung 50000 kan asi, UN card a tlaih mi hi minung 1000 hrawng lawng kan asi a dang 40000 hi cu ARRC card atlaih mi kan si.

Q: ARRC member chunginn 2018 ah  thongtlak mi zeizat dah nan um a thimi minung zeizat dah nan um ?

Ans: Thongtlak mi hi minung 40 lengkai kan asi tangka pek in kan chuah pah len mi zong an um, ka theih tawk ah 2015 in 2018 karlak ahhin minung 200 leng cu kan mipi an thi cang, tukum chung lawglawng ah minung 20 an athi cang.

Q; ARRC nih sianginn nan ngei ve maw siangngakchia minung zeizat dah nan um ?

Ans: ARRC zung nih sianginn kan ngeih ve ko asinain siangngakchia minung 10 lawng kan asi.

Q: Kum 18 tang minung zeizat hrawng dah ARRC member ah nan um?

Ans: kum 18 tang mino hi 500 dengmang kan si lai dah ka ti, ( mino 500 lengkai chung ah sianginn akaimi hi minung 10 te lawng bak an si )

Q; ARRC member chung a damlo mi a thihlohnak atong mi pawl hi  zeitindah nan i zohkhenh ?

Ans: Tukum 2018 chung ahhin minung 40 in 50 karlak hrawng hi sizung ah kan phan UN card a ngeimi cu dincount an hmuh caah a rel ngaite, a thimi cu kan mah ARRC zung nih lai kan rel ve ko hna.

Q; UNHCR le ARRC nan i pehtlaihnak hi zeitluk in dah a that?

Ans: Phunghmaan asi ko kan i pehtlaihnak cu a tha ve ko, UN card ngeimi cu UNHCR nih thong kan tlak tik ah a kan chuah piak ve ko, a hlan lio ahkhan thongtlak mi tampi cu UN nih minkhumnak ( registation) an rak tuah hna ah Rohingya tibantuk cu papek in rak tuah an si kan nih Rakhine hi cu hmaithlak mi ah kan rak i tel lo. pehtlaihnak sawhsawh hi a tha khan asi ko.

Q; UNHCR rakhine holhlet nan ngeih ve maw?

Ans: Ahlan ahcun kan rak ngei ve ko a tuhi holhlet kan ngeih lo nak kum 3 leng asicang, rakhine holhlet kan herh kan ti lengmang ko nain tuahtaan piak a um lo.

Malaysia phan Kawlram mi ahcun Rakhine miphun hi Myanmar tlangcung mi ahcun a tamcem an asi lai, a sinain an nih cu UNHCR nih a cohlan duh theng hna lo caah UNHRC registration ah cun min cazin tlawmte lawng an asi a milu cun  2018 a hmahnu bik cazin ning ah  50000 leng an asi.

Click to comment

Leave a Reply

Your email address will not be published.

More in Myanmar

Facebook

Rel Bikmi

To Top