Connect with us

Malaysia : Phungning Lo Ramdang Mi Hna Caah Voihnihnak Caan Than A Um Ti lai Lo

malaysia

Chin

Malaysia : Phungning Lo Ramdang Mi Hna Caah Voihnihnak Caan Than A Um Ti lai Lo

Malaysia Lahwakah zung nih Malaysia ramchung vialte ah tlaihkhihnak an tuah lai, atutan tlaihkhihnak hi Op Mega 3.0 tiah an au i aa ngan taktak mi a pical tak mi tlaihkhihnak asi lai. Malaysia cozah nih rak tuah mi phungning te in riantuannak ( Government Rehiring Programmed) cu June 30 ahhin a dih cang lai, July incun tlaihkhihnak an thok cang lai tinak asi.

Immigration  director-general Datuk Seri Mustafar Ali nih achimnak ah ( work permit) phungning te in riantuan khawhnak ding caah minkhumnak rak i tuah ding in rianngeitu pawl sin ah azatawk in caantha kan pek cang hna tiah achim.

Phungning lo ramdang mi pawl hi Rehiring programmed tuah ding a haumi minung  744,942 an um i cu chung ahcun rianngeitu(Bosses) 83,919, hna nih register ( minkhumnak) an rak i tuah. Minkhumnak arak i tuah mi rianngeitu pawl caah thate in kherhhlainak tuah ding in  atuthla chung June 30 tiang hi  Cozah nih caanthan a chap piak hna.

Phungning lo ramdang mi minung 744,942 chung ahcun minung 307,557 lawng hi rehiring programme ah cohlan mi (a qualified) mi an si i minung 108,234 hi  cohlan lo an si i an ram ah kuat ding an si. Minung 329,151 hi Rehiring Programmed ah minkhunnak a rak i tuah mi an si hna nain  kutpi namnak ti abantuk a lim rih lo mi an si tiah lahwahkah zung bawizik  Mustafar Al nih a chim chap.

Cu caah hi pawl hi caan dih lai hngak lo in  arannak in kherhhlainak, medical chekhlainak le kutpinamnak ti bantuk pawl tuah dingin forhfialnak an tuah hna. Phungninglo ramdang mi pawl hi phungning te in riantuannak diang caah rehiring Programme hi Malaysia cozah nih a luancia mi 2016, Feb 16 ah tuah hram an rak thok piak mi hna si.

2014 in may 31, 2018 tiang ahkhan phungning lo ramdang mi hi minung 213,709 bak an tlaih cang hna i rianpetu minung hi 4,540 an tlaih cang hna. Cu chung ahcun minung 19,328  le rianngeitu minung 659 cu biaceihnak zung ah chuahpi an si , Boss te cu pehzulh in nan tuah peng rih ahcun  a fak taktak mi dantatnak pek nan si lai tiah ralring pek an si. Rianngeitu hi RM 50,000 le kum 5 chung thongthlak ding in dantat khawh an si.

NST

Aluancia May 31 ahkhan The Irrawady nih Malaysia ah tlaihkhihnak ngan taktak  an tuah lai tiah  thawng thanh an rak tuah cang, an langhternak ah Passport a ngei mi zong tlaih dih an si lai i an work permit le an riantuan mi a khat le khat lo ti zong kherhhlainak tuah dih an si lai tiah an chim. Tlaihkhihnak cu thlathum chung an tuah lai i September in an thok lai tiah an chim asinain malaysia media NST news nih alangher nak ahcun hmaithlai July in tlaihkhihnak an thok cang lai tiah a langhter.

Click to comment

Leave a Reply

Your email address will not be published.

More in Chin

Facebook

Rel Bikmi

To Top