Connect with us

Malaysia Foreign minister Kawlram ah atlawng

Myanmar

Malaysia Foreign minister Kawlram ah atlawng

PUTRAJAYA : Malaysia Foreign Affairs Minister Datuk Saifuddin Abdullah cu tuchun ah ni 2 cam dingin Kawlram ah atlawngi Myanmar le Malaysia ipehtlaih nak athat nak hnga State Counsellor Aung San Suu Kyi le Cabinet Minister pawl meeting angeih pi lai.

Bernama nih thanh caa achuah ning ah Malaysia Foreign Minister nih hin Myanmar cozah sin ah Malaysia Myanmar sipuazi chawlehnak le Construction rian kawngah pehtlaih nak tha ngei dingin meeting angeihpi hna lai i Malaysia Construction Firm hna cu Myanmar ah biatakte in Project anlak i rian an tuan khawh nak hnga hnatlak nak ngeihpi ai tim lai.

Malaysia Foreign Minister nih hin Economica le Constructin lei pehtlaih nak ding acaih hmai pi pin ah Malaysia ramchungi Kawlram ralzam Minung Ting renglo Malaysia cozah tangah a um mi kong zong acaih hmai pi lai.

Tutan Malaysia Foreign Minister kawlram tlawn hi Cozah lei thil ah Kum 2018 cozah thar hnu ah Kawlram an tlawn hmaisa bik asi.

Foreign Affairs Minister Datuk Saifuddin Abdullah nih hin Myanmar State Counsellor and Union Minister for Foreign Affairs of Myanmar, Daw Aung San Suu Kyi, Union Minister for International Cooperation of Myanmar, U Kyaw Tin, le Union Minister for Social Welfare, Relief and Resettlement of Myanmar, Dr Win Myat Aye hna cu Rohingya ralzam Malaysia i khua asa mi hna kawng acaih hmai pi lai i Malaysia in Kawlram kuatkir than nak ding hnatlaknak zong ngeipi aitim lai.

Rohingya ralzam minung 700,000 renglo Bangladesh i a um mi cu Bangladesh cozah le Kawlram cozah hnatlak nak in Kawlram ah kuat dingin hnatlak nak an rak ngei, asi nain UN nih Rakhine state cu Rohingya caah ahim rih lo ati ruangah Bangladesh cozah sin ah Rohingya ralzam pawl cu Kawlram ah kuat rihlo dingin arak theih ter.

Continue Reading
You may also like...
Click to comment

Leave a Reply

Your email address will not be published.

More in Myanmar

Facebook

Rel Bikmi

To Top