Connect with us

Malaysia: Chin Ralzam Nih UNHCR Zung Hmai Ah Duhlonak An langhter, An Aupi Mi Zeidah Asi ?

UNHCR

Chin

Malaysia: Chin Ralzam Nih UNHCR Zung Hmai Ah Duhlonak An langhter, An Aupi Mi Zeidah Asi ?

Malaysia UNHCR nih chin ralzam pawl cu 2019 dih hnu in cun ralzam pom nan si ti lai lo  tiah biakhihnak an tuah mi kongkau ah atu ni june 29.2018 ah UNHCR zung hmai ah malaysia um Chin mipi 400 leng nih duhlonak an langhter. Chin ralzam hruitu nih UNHCR sin ah an hal mi cu a tanglei rak langhter mi hi asi. Afiannak in kan hun tial

1 Chin ralzam kirter ding timi  kong ah ( kan ram ahim rih lo)

2 Chin ralzam Malaysia thonginn chung ah hren a tong mi cu 2014 hnu in UNHCR nih a ton duh ti lo mi hna kongkau ah ( thonginn chung ah Chin ralzam a nunnak a liammi cheukhat zong an um)

3 UNHCR nih Chin ralzam mi zawt mifak thlopbul haumi pawl bawmh duh lo in a daihthlanh mi kong ah

4 2015 hnu in NlD nih thimnak ah teinak ahmuh ruang pumpak in a tlung mi ruang ah, UNHCR nih ralzam nan tlung kho cang ko an timi kong ah

5 Chin miphung chung theng ah hramhram in tlunter  ding in an kan fial mi le thleidannak an tuah mi kongkau ah ( tlangcung mi dang bantuk in zeitik caan poh ah harnak atong kho mi kan si)

6 Chin ram ah ralkap Camps tampi a um rih, Chin miphun nih kan nuhrin covo kan hmang kho rih lo

7 Myanmar Imimigration (lahwahkah) phunghram pi ning ah mi zeipoh Myanmar ram chung ah phungning te in a lut lo mi cu thla 6 in kum 5 tiang thongthlak khawh kan si cu caah ralzam kan caah tihnung asi.

8 Malaysia ram a chuak mi kan fa le tete caah Myanmar nih a fiang mi phunglam a ngei rih lo

9 Chin ralzam nih Malaysia ah kan ton mi harnak hi  UNHCR nih zei ah an kan rel piak lo, zeitindah kan tlunter khawh hna lai timi lawng khuakhannak lai an rel mi kong ah

10 UNHCR nih Chin ralzam thate in interview tuahnak  ngeih lo in tlunak ding RSD counseling lawnglawng an kan pek mi kong ah

11 Chin ralzam cu ramthumnak kalding ah papek kan si lo leng ah Malaysia UNHCR nih Chin ralzam cu kan himnak ram ah kuat ding hrimhrim khuakhan lairelnak an kan tuah piak duh lo, alam an kan kawl piak duh lo

Cun ( kum 2013 catlap a tlaih mi kong le ramthumnak kalnak ding kongkau hi an halmi a tel chih tiah theiha si)

Acunglei rak langhter mi pawl hna hi atu lio kan hruitu Chin ralzam upa pawl nih a bik in an aupi mi cu asi, atuni duhlonak an langhter dih hnu ahkhan UNHCR lutlai Richard Towel he tonnak zong an ngeih kho tiah theih asi an i cheimi phichuak cu zapi caah thawngpang tha si hram seh. (Atlangpi hun komh ahcun tlun caan anai rih lo ti khi asi ko)

ACR

Click to comment

Leave a Reply

Your email address will not be published.

More in Chin

Facebook

Rel Bikmi

To Top