Connect with us

Malaysia Chin Mino Nih Kachin Ralzam Hna 4.5 Million Kyat An Bawmh Khawh Hna

Chin

Malaysia Chin Mino Nih Kachin Ralzam Hna 4.5 Million Kyat An Bawmh Khawh Hna

Malaysia chin mino nih kachin ralzam hna caah bawmhhalnak an tuahmi theipar cu khuaruahhar in a tha ko. Atu ni May 30. 2018 ahkhan Malaysia Chin Mino phu nih Kan Unau Kachin Ralzam zung ah an va len hna i Chin mipi dihlak sin in bawmhhalnak hmuhmi phaisa cu an kut cung ah va pek asi cang, an hmuh mi phaisa hi a dihlak in RM 1,36 35 bak asi i kawlram tangka  in ting 4,581,360 a si. Thlacamnak le Pathian le thangthat ttinak hi an rak don hna hi bawmhnak cu an rak cohlan.

kachin

Lunglawmhnak Cathluan an rak pek hna

Kachin ram ral ruang ah harsarnak atemtuar mi kan unau kachin miphun pawl cu laakhruak in bawmhchanh an herh caah Malaysia khuasa mi Chin Mino hna nih Chin Youth In Malaysia tiah min bunh in 3-May-2018 ahkhan Malaysia Chin Fellowship kip chungtel mino hna sin ah bawmhhalnak tuah ding in meeting rak tuah asi.

Cu ahcun rianruantu i thimnak an tuah hna i atanglei rak langhter mi pawl hi tuanvo khinh mi an si hna.

1 Chairman- Salai Lai Kam Thang

2 Secretary- Salai Mang Hlei Lian

3 Treasure- Mai Sui Hniar

4 Auditor- Salai Chan Hup, Adrew Tum Tling

5 Advisor- Salai Cathawng ,Sayamah Ngun Hlei Iang ,le MCCYF chaiman hna an si.

Meeting ceihhmai mi ah kachin ram hartonmi bawmhhalnak cu Malaysia fellowship kip chungtel mino hna sin ah bawmhhalnak tuah ding in le pumpak in ramchung ramleng in arak i teltum kho mi mino poah poah sawm ding in lungtlin a si hnu ah kan hnu 06- May- 2018 zaanlei sumilam 4 pm in 6:30 pm ahkhan Malaysia Chin mino 43 nih avoihnih nak meeting an tuah tthan i riantuan hram cu an thok.

kachin ralzam

Kachin ralzam hruitu upa hna nih thlacamnak in an cohlan hna

Fellowship kip ah cawlcangh ding in mino nih timhtuahnak an rak ngei ko nain ruahning bantuk in tlam a tling kho dih lo. Aruang tampi ruang ah le zulhphung ruang ah cheukhat fellowship nih cun Malaysia Chin mino cawlcanghnak cu pom piak a rak silo.

Asinain Chin youth in Malaysia tuanvo ngeitu pawl nih lamdang an kawl hnu ah zaanghlei cawi in Times Square le Samping (shopping center) ah riantuan mi hna sin ah pumpak in an kal hnawh hna i bawmhhalnak an va tuah thiam thiam , lungtho te in bawmhnak cu a rak petu riantuan tu lai nungak pasal tha hna nan dihlak cung ah Pathian thlawhchuah tlun chin ko hna seh tihi kan thlacamnak asi.

Malaysia Chin Mino le Kachin Ralzam hruitu Upa hna minthutnak an tuah lio hmanthlak

Cun cheras zong ah pumpak in innkip ah an va len hna i bawmhhalnak cu an tuah ve hna ramchung ramleng in min langhter aduh lo mi bawmchantu zong an um caah bawmhalnak an tuah mi cu atluang ngaingai. Bawmtu pumpak nan dihlak cungah le fellowship nan dihlak cung ah Pathian nih lam in hruai chin ko hna sehlaw pumpak nan rian cio ah hlawhtlinnak hmuhram ko uh.

Kachin

Chin Mino hna le Kachin upa hna Pathing thangthatnak hlasak nak ngei hnu ah thlacamnak an ngei lio

Mi cheukhat nih Chin youth in Malaysia cawlcangh cu fak ngai in an rak soisel hna an rak thangchiat ve hna, minthat duh ruah ah asi, fimhlei thiamhlei cuh duh ruah asi tiah a rak mawhchiatu an tampi ve. Asinain mah pumpak caah piakhat zong miaknak um lo in retheih in caan pek bak in lungthiang te in miharsa bawmh duhnak thinlung he an tuahmi asi ko caah dohnak le soiselnak cu lungdong lo te in an pahchih. Pathian lamhruainak thawng in an riantuannak theipar cu khuaruahhar taktak in ahung tha. kachin ram ralruang ah a pawtam mi, a zawfak mi, thilpuan herh in harsa taktak in khuasa mi kan unau Kachin Miphun tarnu tarpa ,mino le ngakchia le pumlawnglo in um mi nu hna caah an nun peh kho tu ah ahung cang.

akchin

Kachin Saymah nu nih thlacamnak a ngei lio

Bawmhalnak tuahmi ah an hmuhmi dihlak hi Malaysia tangka in RM 1,36 35 bak an hmuh i kawlram in ting 4,581,360 bak achuak tinak asi.

Thlanti he kan hlawh mi phaisa kan or duh hmanh ei lo in le kan lungduh thil zong cawk lo in miharsa kan bawmh mi hna hi Pathian nih a ka theih piak hrimhrim ko lai pumpak pakhat cio nan dihlak le fellowship nan dihlak cung ah Pathian velngeihnak le thlawchuahnak cu tlunghram ko seh.

kachin

kachin ralzam hruaitu hna hmanthlak

 

Biacah: Mi pakhat nih thiltha atuah tik ah soiseltu sinak in thazaang petu le bawmchantu dirhmun sikhawh hi i zuam cio hna usih law miphun thanchonak caah teinak nganpi kan hmu ko lai.

 

 

 

 

Click to comment

Leave a Reply

Your email address will not be published. Required fields are marked *

More in Chin

Facebook

Advertisement Enter ad code here

Rel Bikmi

To Top