Connect with us

Malaysia Chin Mi A Thong leng In Kan Thi Cang

athimi

Chin

Malaysia Chin Mi A Thong leng In Kan Thi Cang

kum 2016 tiang ah Malaysia ah khuasami Chin Ralzam hna chung in minung 1,000 leng an thi cang. Thihlohnak ton caan ah CRC nih sizung lei a herh mi hna, thlaan hmun kong le UNHCR lei thawngthanh le catlap cahnah kongah biatak te in thlngtlaknak le tawlrelnak an tuah.

Mithi ruak laaknak lei ah siseh, Malaysia nawl ngeitu cu palek lei in aherh mi catlap cahnah tuahnak ah CRC nih tawlrel a si, zawhfahnak in athi mi an tlawm i minung 200 hrawng hi mawtaw pahnak ( Accident) in athimi an si.

Riantuannak hmun  khawndennak le thilcang sual ruangah athimi hi minung 150 hrawng an si mah le mah thahnak ( hri-awk) in anunnak alami hi minung 10 in 20 karlak an si. Cun a thimi Chinmi hna hi kum upa nakin kum no deuh an si hna i kum 20- 30 karalak an tam. Zu din thiam lo ruangah le khuasak nunzia thiam lo ( pangka tang ih ti bantuk) ruang ah athimi hi an tam bik.

CRC nih Malaysia ram ah mual a liammi Chin ralzam hna cazin zong a fim i 2010 in 2016  July thla tiang langhter khawhmi cu a tanglei bantuk in an si. Cazin chung ah rak langhter khawh lo mi tampi zong aum ve rih.

2010- ah thimi hi 133 an si pa 89 le nu 44 an si

2011- ah thimi hi an dihlak in 176 an si i pa 109 le nu 67 an si

2012- ah a thimi hi an dihlak in 166 an si i pa 105 le nu 61 an si

2013- ah athimi hi an dihlak in 101 an si i pa 82 le nu 19 an si

2014- ah athimi hi an dihlak in 81 an si i pa 67 le nu 14 an si

2015- ah athimi hi an dihlak in 41 an si i pa 37 le nu 4 an si

2016- july thla tiang ah athimi hi an dihlak in 16 an si pa 14 le nu 2 an si hna. ( Credit: CRC Magazine)

A cunglei hi cazin chung lawng in rak langhter mi an si, nikum lawng ahkhan ACR le CRC member chung in athimi minung 200 reng lo an si , cun FRO , ZOMI, le DAI tibantuk nih a thimi hi kum fatin te an ngeih ve rih tik ah Malaysia ahhin Chinmi minung tamtaktak mual kan liamnak ram asi ve ti kha theih khawh asi.

Note: Na website ah kan news rak i post hlah

Click to comment

Leave a Reply

Your email address will not be published.

More in Chin

Facebook

Rel Bikmi

To Top