Malaysia Ah Tleihkhih Tihruah Aa Thup Mi Chin Nuva Hna Mincimh Chihnak In An Thi

Malaysia Cameron Highlands ah rakhine nu pakhat le  Chin nuva hna cu an i thuhnak hmun ah vawlei nih a chimh chih hna caah a nunnak a liam,  Cameron Highlands hi naihrawng (operasi )tleihkhihnak an tuah caah nizaan October 14,2018 ahkhan Kanpalet Chinmi nuva hna Pu Aung Thang le a nupi Niang Vai cu tleihkhih tihruah ah ramlak riahbuak dang ah an va i thup, deilei suimilam 3 hrawng ah min nih a chimh chih hna i  Rakhine nu Daw Aye Aye Le Pu Aung Thang le a nupi Naing Vai cu hmuhkhat te an thih hna.

Pu Aung Thang Le a nupi Niang Vai sin ahhin an naupa pakhat zong a um ve, sinain mincimh zaan ahhin an naupa te  cu hmundang ah a riak tiah theih asi, Pu Aung Thang le Niang Vai hi kum 23  in 25 karlak minung hrawng lawng an si rih Malaysia an umnak hi kum 5 hrawng si cang, fa pakhat te an ngeih i kawlram a um tiah theih asi.

An ruak cu a tuhi Tanah-ratah sizung ah a chiah lio hna asi i thaizing hi khirhfa pawl an i vuainak Tanahratah thlan hmun an an vuai hna lai tiah theih asi taantak mi hna chungkhar caah pumpak in kan umnak cio in thlacamnak in rak bawm cio hna usih.