Connect with us

Malaysia ah Thi cancer in damlo hartong Pu Joel Bawi Hup Ceu bawmhnak tangka a chuakmi zat le cazin

Chin

Malaysia ah Thi cancer in damlo hartong Pu Joel Bawi Hup Ceu bawmhnak tangka a chuakmi zat le cazin

Malaysia ah kan miphun hawi a simi Pu Joel Bawi Hup Ceu cu thi cancer in cansau ngai damlo in sizung a um hnu ah thlopbulnak tangka a ngeih ti lo ruangah sizung in an rak chuak. Inn ah an a lang in sizung tu ah an kal lengmang. Cu tikah kan miphun hawi a simi Pu Joel Bawi Hup Ceu caah Chin Youth Organization Malaysia ( CYOM ) vawlei cung ramkip le hmunkip ah a ummi Chin miphun sinah bawmhnak kan rak hal piak.

Cu bawmhnak kan halmi cu vawlei cung ramkip le hmunkip ah a ummi kan miphun hna nih nan rak hmuh i tampi bawmhnak nan rak pek cio hna. Dawtnak le zawnruahnak thinlung dihlak te he Pu Joel Bawi Hup Ceu caah chawva tampi nan rak pekmi kan hmuh tikah tawlreltu CYOM lei in lunglawmhnak chim cawk lo kan ngei. Pu Joel Bawi Hup Ceu zong lunglawmhnak in a khat.

Pu Joel Bawi Hup Ceu caah pumpak, Khrihfabu, sang, khua, hawikom rual, online donation in bawnhnak a rak petu vialte nan dihlak cungah Pathian tu nih thluachuah in pe chinchin ko hna seh. A bik in online in Gofundme tawlreltu Vanmi Productions ( USA ) le CBN ( Australia ) nan cung ah lunglawmhnak chim cawk lo kan ngei ko. Cun, pumpak tuanvo pekmi Pu Van Bik ( Indianapolis, US ) le Azing Chuntei ( Australia ) nan cung zong ah lunglawmhnak chim cawk lo kan ngei. Nan ngaihchia chawva pinah caan pekmi nan retheihmi cungah Bawipa Pathian nih thluachuah in pe ko hna seh!

An min kan chim cawk lomi bawmtu le retheitu vialte nan cungah lunglawmhnak tampi kan ngei.Vawlei cung ramkip le hmunkip ah a ummi Chin miphun hna nih Pu Jeol Bawi Hup Ceu bawmhnak tangka pekmi cu RM – 56,592 a si. March 24, 2019 Sunday ah CYOM nih Pu Joel Bawi Hup Ceu sinah thlacamnak te he kan pek cang. A mah Pu Joel Bawi Hup Ceu zong lunglawmhnak in a khat. A tu sizung biatak tein ai thlopbul than lai i Pathian nih damnak tling pe hram ko seh tihi kan thlacamnak a si. Thlacamnak zong in rak bawm cio rih uh.

A tanglei ah petu le an pekmi zat vialte kan rak laanghter. A chuak zat in pek a si.

Note:

Gofundme in a rak pemi kha nan min kan langhter lem ti lo. A ruang cu Vanmi Production le CBN nih an langhter cang ko caah khan kan rak langhter lonak a si.Min langhter a duh lomi an um pah caah “Min lo” tiin kan langhter. Kan langhter mi chung ahhin kan palhnak tete, a tial kan hrelh sualmi tete a um sual ahcun rak kan chim than uh tiah kan in nawl hna. tu vialte Bawipa nih a let 30-60-100 in thluachauh in pe ko hna seh

God bless you all

Chin Youth Organization Malaysia

Click to comment

Leave a Reply

Your email address will not be published.

More in Chin

Facebook

Rel Bikmi

To Top