Malaysia Ah Rohingya Pa Mi Nupi He Aduh Caah Alu Kuailak Tukvelh Atong

Malaysia Kota Bharu ah Rohingya pa nih mi nupi aa duh caah ( Mosque) Muslim biakinn hmai ah faktuk in tukvelh a tuar i a lu zong  kuai dihlak in an phomh caah hmunli bak an tthit piak. Rohingya pa hi kum 23 minung asi, tukvelhnak lei buainak a chuah lio ahhin Kota Bhraru palek bawi nih a chimnak ah thawngpang kan theih le cangka in kan kal hnawh hna, hlathlainak kan tuah tik ah Rohingya pa hi a veltu pa i a nupi he a thlite in an rak i duh tiah a chim.

Rohingya pa le minu hi a luancia thla 5 lio hrawng inkhan pehtlaihnak an rak ngeih cang, Facebook in a thei hmasa mi an si i aleng ah i tong ding in an i chim, Muslim Biakinn hmai ah tonnak an ngeih lio ah an pa nih a thilte in anupi kalnak cu a rak zulh hnu ah tu bantuk in a poh ( hmuh) hna hi asi.

An pa nih hin a hlan te in anupi cungah hin a lunghrin pah cang caah a thilte in anupi kalnak cu atubantuk in  azulh mi hi asi,  Rohingya pa he an i ton a hmuh hna hnu ah tukvelhnak tiang hi a chuak mi asi. An pahnih in Palek nih an i velh lio ah an tleih hna hi hlathlainak an tuah hna lai a tlak ning in tazacuai an si lai.

Immigration news