Malaysia Ah Riantuanmi Thluak Tlamtling Lo Mi Kawlram Pa Sizung In Azam

Malaysia ah phungning te in riantuan mi kawlram pa Ko Soe Thein cu thluak tlamtlinlonak in damlo ngai in a um caah Kalang sizung ah thlopbulnak an tuah piak, kan hnu 20.12.2018  zaan suimilam 12 hrawng ahkhan a zawtnak a puang i sizung in a zam.

An kawl i an hmuh ti lo caah social media Facebook  in thawngthanh nak an tuah hnu ah  thluak tlamling lo mi pa cu BAYU PADANA  lamcung ah akal lio kan hmuh ko tiah  kan hnu 21.12.2018 ahkhan  tuanvo ngeitu hna sin ahcun thawng an thanh ko hna nain an va kal i an va kawl tik ahcun a rak tlau manh than cang.

A hmutu pawl nih cun kan riantuan pah he asi caah kan zoh kho peng lo atunai te bak in khan a tlau than tiah an rak chim hna, mah hnu ah ahmunkip ah an kawl hnu ah zaan suimilam 10 hrawng ah inn le inn karlak ah a thi he a khat mi minung ka kan hmuh tiah thawng an theih than hnu ah a va zoh than i Ko Soe Thein cu a rak si ko. A hliamhma hi amahte in a khawn mi asi thlalang le a lu a su chih caah tak pum dang hna zongah hliamhma cu a tuar  tiah theih asi i palek thawng an thanh hna hnu ah Sizung ah an kalpi than tiah theih asi.