Malaysia Ah Ara Mi Chin mi Mawtaw Accident Tonak In Tlaikhih Atong Beh Mi Minung 4 Cu An Chuak Cang

Malaysia a ra Chinmi 14 hna cu Bukit Merak ah a luancia May 19.5.19 lio ahkhan zinglei 7am ah mawtaw accident a ton ruangah a thimi 3 an um i adang Minung 7 cu fakngai in khawndennak an ton caah palek nih  Parit Buntar Sizung le Taiping Sizung ah an rak kuat hna.

Cu lio ahcun minung 9 tlaihkhih an rak tong beh, cu hna chung ahcun kan hnu July 18 ahkhan minung 4 hna cu Perak State, Parit Buntar biaceihnak zung ah chuahpi an si i , ACR riantuannak in UNHCR nih catlap an chuah piak hna hnu ah thonginn in an chuak cang tiah theih asi, cun adang 2 cu biaceihzung phan lo in an chuah hna i an dihlak a chuak mi ah minung 6 an si.

Sungai Patani thonginn ah minung 3 le Taiping thonginn ah minung 2 hna zong cu a ralai mi August thla ni 7 ah biaceihnak zung an phan lai tiah theih asi. Thalcamnak in bawm cio hna usih.