Connect with us

mah le mah ithah duhnak Depression kong Vanlal Sailo chim mi

Chin

mah le mah ithah duhnak Depression kong Vanlal Sailo chim mi

Atu lio i Laimi lak ah acang cuahmah mi Mino Lungdongh ruangi mah le mah ithah duhnak lungthin ngeih kongah Vanlal Sailova biachim mi atawinak in ka vun langh ter.

Atuchan vawlei hi mino vawlei asi cang, Chungkhar ah siseh Khrihfabu ah siseh Ramkhel ah siseh Mino duhnak hi alor cem mi le Power angei cem mi asi, an duh nak le an ruah nak hi thih ngamh bak in an kalpi cang.

TV zukcawl ah tuanbia Ttialthiam nih amah hmanh nih anunpi khawh lo dingmi tuanbia, midang lungthin alakkhawh chung la dingin aphuah i lemcang thiam minta/mintami pawl acan ter mi nunphung kha anun ah ai lâk i, asinain mah nunphung cu a ing kho fawn loh, a ing khawh lo mi kha ‘hei siko seh’ tiah akaltak salam khawh lo tik ah thih tiang akalpi ngam tik ah kan fa kan nau hna nih hin thih hi an Ttih tilo.

Depression akarhnak aruanghi zei dah asi kan ti ah cun zeidang ruangah asilo, mi Thiangthlarau nih a umpi lo mi nun alâwn ning cu lungdonghnak ding aruanghi kawl le ruah len ahau bak loh, amah te in lungdongh nak ding lawngte alut colh, Thiangthlarau aitello paoh ah cun Depression asi colh.

Pathian rak theih ve laklawh, Thiangthlarau zong rak theihthiam veko i Khua le ram ah ningzah hmanh theilo i Thangthat i rak lam ngam ve ko mi, Van thilpek zong rak ngah mi le Thiangthlarau umpi nak zong arak co mi kan si dih ngâwt, asinain cu hnu i Thiangthlarau nih akaltak mi le Thiangthlarau nun angeilo mi nun hmailei caan cu Depression lo thil dang a um tiloh.

lungdongh, vansan au, thathut, ngui, ruahchhan nak um tilo tibantuk aphanh nak ruangcu minung nunnak alâwntuk ruangah asi, curuangah zeidah kan herh tiah cun Pathian Thiangthlarau pumpak nun ah aphanh i pumpak nun ah Thiangthlarau aiphuan aherh. Pathian hmuh duhnak lungthin kan ngeih aherh.

Greek mi hna nih Zesuh cu alangtlang in an hmuh, asi nain atak in hmuh an duh ruangah Zesuh sinah an kal. Kum 100 renglo Pathian thawngtha luhnak ram ah hin Zesuh konghi kan hnakhaw lawngnih atheih aza lo, atak in Zesuh hmuhduh nak lungthin kan put abiapi. mah tlam atlin khawh nak dingah Chungkhar kip nule pa nih kan tha athawh nak lawng silo in kan tha athawh pin/leng in kan fanau forhfial kan izuam abiapi.

Nungak Tlangval iduhdawtnak kongah siseh, chawva le khuasak timhtuahnak ah siseh, aphun phun a um kho lai, Minung kan ruahnak lungdonghnak nih iteiter i mah le mah ithah duhnak lungthin ngeih hi vawleicungah mi ralchia cem zia asi, kan ruahnak nih nun iteiter ding asilo, muih caan a um ceu can a um, minung nun caan Kum 70 le Kum 80 chung nguh dingmi Thlakhat hmanh sihlah, zarhkhat hmanh sihlah, Nazi 24 nikhat chung khuakhannak bia ikhiah ter i Kum 80 anung dingmi nun nak donghter hi mi ralchia nun asi, ha cang irial in Kum 80 leng hmanh ka dam lai ti lungput ngeih hi ralthat nun asi.

Continue Reading
You may also like...
Click to comment

Leave a Reply

Your email address will not be published.

More in Chin

Facebook

Rel Bikmi

To Top