Connect with us

Kum 2019 ah Chin Ralzam caan adih taktak lai maw

Chin

Kum 2019 ah Chin Ralzam caan adih taktak lai maw

Opinion : hi capar hi cu keimah ruahnak le hmuhning le tuaktannak lawnglawng asi, UNHCR nih Chin ralzam cu dec 30. 2019 ahcun hlawt dih ding in biakhiahnak le thawngthanh nak an rak tuah hnu ah adik lo mi biakhiahnak asi tiah hruaitu hna nih fakpi in an doh ve i UNHCR zung hmai tiang ah duhlonak an rak langher.

Cu hnu ah CHRO hruainak in UNHCR i an biakhiahnak cu zoh than ding an hung cawlcang than i Geneva hrambunh UNHCR zungpi tiang ah report thate in thanhca he biachimrel nak a va ngei .Vawleicung minthang Media tampi zong nih UNHCR nih Chin ralzam cung ah a thiltuah mi kong cu an rak tial i documentary tiang in Chin ralzam harsat nak kong cu an rak lanhgter.

Human right Activists le NGOs tampi zong nih fakpi UNHCR tuahser mi cu an doh an biakhiah mi cu zoh than ding in an aupi, ka theih tawk ah UK le Australia cozah tiang nih nawlnak an kan tuah piak. Tutan ah Malaysia cozah tiang nih Chin ralzam kirter ding khuakhan mi an policy cu zohthan ding in thawngthanhnak an tuah ve cang. Foreign Minister Datuk Saifuddin Abdullah hrimhrim nih Malaysia cozah nih Chin ralzam kirter nak kongkau ah kan policy zohthannak kan tuah lai tiah a chim.

Cu lawng hmanh si lo in Malaysia MP Maria Chin Abdullah nih UNHCR nih Chin ralzam cungah na tuah mi biakhiahnak hi zoh than ko uh tiah forfialnak atuah chap. Naite ah Chin ram ah ral a thawh caah Chin ralzam tampi Bangladesh ram ah an zam, Chin ralzam temtuarnak kongkau cu UNHCR nih an website bak ah an rak tial i an thinphangnak le bawmhding in ready an sinak kong zong an rak langhter.

Tu ahcun UNHCR nih Chin ralzam hna hi an kir ahcun an him lai lo ti cu fiangtuk in an theih cang lai ka zumh. Kan hnu Feb 14. 2019 ahkhan UNHCR nih policy thar a tuah colh ve, hlan lio bantuk in khan Option 1 le option 2 ti bantuk thimter aum lo i Card a rak thleng mi Chin ralzam poh caan karlak chung catlap an pek hna i appoiment an pek than hna.

Zeiruang ah dah UNHCR nih option 1 le Option 2 thimter nak zong tuah ti lo in dengtheo bak in catlap an kan pek colh timi hi a chiatnak le athatnak in ruah awk aum. A Chiatnak cu na thei ko cang caah a thatnak lei in ka langhter lai, UN Card hi a man fak ngaingai mi asi minung tampi caah hun ser ahcun Budget tampi a dih mi asi caah caantawi ca ahcun Card chuah piak phu asi lo tangka adih tuk.

UNHCR nih cankarlak chung catlap an kan pek mi hi an policy zohthannak ngeiding in timhtuahnak an ngeih caah si men lai tiah ruah khawh asi. A thar in biakhiah an tuah mi hoih in caansau a ngun mi UN card pek than khawh zong kan si. A thar in Chin ralzam caah ruahchannak le lamthar dang tampi zong um khawh dawh asi,

A ruah hlan ah UNHCR zung in thawngpang kan theih te theo lai ka zumh. Acunglei ka tial mi khi zoh ve law UNHCR biakhiahnak cu a dik lo tiah zohthang ding forfial mi asi tik ah, hmainur in UNHCR nih a abiakhiahnak apehzulh ngam ti lai maw tiah ruah awk tampi aum vawleipi nih Chin ralzam cung an tuahser mi vialte theih dih asi, Cu caah pumpak ka hmuhnak in a pehzulh ngam lai ka zumh lo lamdang in a that nak in khua a khan te ko lai, UNHCR hi ramkip mirum pawl bawmhnak in khuasa mi si hna kaw nih an image chiat lai cu an tih tuk ve mi asi.Chin ralzam caah thawngpang tha cu 2019 chung ah um hram ko seh.

Hi capar hi pumpak hmuhning lawnglawng asi.
June Amang

Continue Reading
You may also like...
Click to comment

Leave a Reply

Your email address will not be published.

More in Chin

Facebook

Rel Bikmi

To Top