Connect with us

Kum 16 nute Noble Peace Prize pek dingin Nominate

World

Kum 16 nute Noble Peace Prize pek dingin Nominate

Vawleicungah Upat Ttihzah langhternak Laksawng sang bik Noble Peace Prize co kho dingi nominate mi lak ah Swedish nu hngakchia Greta Thunberg aitel, Kum 16 telawng asirih mi Greta Thunberg hi Climate Activist asi i pumpek in rian attuan nak mi ruangah mipi nih an upat mi le an ttihzah mi pakhat asi.

Greta Thunberg hi Siangin kailio mi asi i Vawleicung khuati aithleng tuk mi doh nak ah siangin le vawleicung ramkip atlawn nak ah biatak te in Climate Change doh nak alanghter ruangah Norway Member of Parliament (MP) minung pali nih Noble Peace Prize laksawng co dingin an nominate hi asi.

Greta Thunberge nih hi Noble Peace Prize a co ah cun Kum 21 asi mi Pakistan nu Malala Yousafzai record alonh lai i Vawleicung Noble Peace Prize ngah mi lak ah hngakchia bik asilai, Mala hi kum 2014 October ni 10 ah Noble Peace Prize an rak pek i hi lio ah hin Kum 17 asilio asi.

Greta Thunberg cawlcangh nak ruangah Fridays For The Future timi dirh asi i Sweden siangin kip nih an cohlan, Vawleicung ram 100 renglo nih Fridays for The Future hmangin campaign an tuah i hmun 1,300 renglo ah Sign board an tar i Globle Warming le Climate Change duh lo nak langter nak Striker tar asi.

Sweden ram pin ah Germany, Belgium,, UK, France, Australia le Japan ah Friday For The Future hi kalpi asi i khuati aithleng tuk mi rak ven nak biatal te i rian kalpi asi nak lai Campaign nak ngeih asi.

Greta nih hin kan hnungkum August thla ah khan mipi ai sawm i Sweden Parliament in hmai ah Khuati aithleng tukmi duh lo nak langh ternak Tapeih arak hmoh cang.

Greta Thunberg hi January 3, 2003 ah nu pawchung in achuak i anu hi Sweden hlasak thiam minthang Malena Ernman asi, apa hi Film Star minthang Svante Thunberg asi.

Kum 15 mi asi i Climate change doh dingin kar arak hlang, an ram Cozahzung sangbik Parliament hmai ah ‘School Strike for Climate’ arak kalpi i Fridays For The Future dirh in Cawn ninga ni paoh ah Siangin kai lo in Climate Change Campaign nak angei tawn.

ariantuan nak hi Vawleicungah amin than ning arang, Sianghngakchia tampi nih an dirkamh ruangah campaign angei nak ah an zulh tawn.

atu ah Vawleicung Ram 100 renglo nih Friday For The Future an kalpi ve cang, ariantuan mi hi an Ram Ramkhel Party hruaitu zei mawzat nih an lungtlin pi ruangah Campaign atuah nak ah an zulh tawn.

Greta Thunberg hi kan hnungkum December thla ah khan United Nations Clinate Change Conference le World Economic Forum, Davos, Switzerland i ngei mi ah bia chim dingin rak sawm asi.

Noble Committee hna nih Noble Peace Prize co dingin Nominate mi an thanh i minung 301 Nominee an si i cu lak ah 223 cu pum pak an si, Organisation 78 an itel.

Noble Committee hna nih an ruat lai i aitlak an timi lawng an pek te lai, Noble Peace Prize ngah kho tu ding hi tukum October thla ah thanh an si te lai i December thla ah Norway khualipi Oslo ah laksawng peknak ngeih asi te lai.

Continue Reading
You may also like...
Click to comment

Leave a Reply

Your email address will not be published.

More in World

Facebook

Rel Bikmi

To Top