Connect with us

Kum (13) Lawng A Si Nain Hringtu A Nu Le Thla (2) Tluk A Farnu Caah Bochantlak A Simi Pa

ngakchia

Myanmar

Kum (13) Lawng A Si Nain Hringtu A Nu Le Thla (2) Tluk A Farnu Caah Bochantlak A Simi Pa

Kum (13) tluk (Quyet Chien) timi ngakchia pa nih thla 2 tluk a farnu te cu rianrang in sizung ah kalpi a hau ti a theih caah, Hringtu a nu le a farnu cu bike cycle in a phirh hna i sizung ah a kalpi hna, Chien te umnak le sizung hi meng (187) bak aa hlat tiah theih a si.

Mawttaw choklet an har lengah phaisa zong an ngeihlo caah, Chien nih cun sianginn kainak ah a hmanmi a cycle cu ttha tein a chek hnu ah a farnu dam zokzok seh ti a duhnak thinlung ruangah nai 26 ni ah khan an umnak he aa hlat taktak mi Hanoi khuapi ah cun cycle in a nu le a farnu te cu a kal pi hna hi a si.

Chien nih din loin cycle a mawngh i suimilam 5 tluk ah meng (60) tluk a hlatmi (Hoa Binh) timi khuapi an phan, Ngakchia a si pin ah amah lawng si loin hringtu a nu le a farnu a phirh rih hna caah a ke zong an phing dih i a ba tuk hringhran, Vantthat ah (Hoa Binh) khuapi an phak ah (Le Van Tuyen) timi mawttaw mawng pa he an i tong i a mawttaw in (Hanoi) sizung ah a thlah hna tiah theih a si.

Sizung an phak hnu ah palek bawmhnak thawng in Chien a pa zong a rianttuan nak hmun in an pehtlaih khawh hi a si, Hringtu nu nih mitthli he kum (13) lawng a si rihmi a fapa nih khuallam hlat i cycle in a thlah hna nak kong cu mi sin ah a chim tiah theih a si, Sizung in an chuah zongah Doctor pa nih mawttaw a hlan piak hna i an um nak inn tiang a thlah hna tiah theih a si.

Tadin Htoo

Click to comment

Leave a Reply

Your email address will not be published.

More in Myanmar

Facebook

Rel Bikmi

To Top