Connect with us

Kim Jong Un upa that tu ah puh mi Indonesia nu aluat

World

Kim Jong Un upa that tu ah puh mi Indonesia nu aluat

SHAH ALAM : North Korea hruaitu, Kim Jong Un Upa, Kim Jong Nam thattu Indonesia nu cu biacaih zung nih tuchun cawn nikhatni March ni 11 ah a case athih ter i luatnak apek, ahawi le achungkhar lawmh nak in an khat.

Siti Aisyah le Vietnam nu pakhat hi kum 2017 ah Kuala Lumpur Airport ah Kim Jong Nam that tu ah puh an si i thih hlan lo thawng thlak khawh dingi bia caih piak dingin hren an si.

Asi nain, an thiltuah mi cu midang nih Prank video caah phaisa pek in tuahter mi an si i atuah tertu cu azam than ruangah Sihni nih ngaihthiam Court ah ahal piak hna, Kim Jong Nam thah atu tu cu anau Kim Jong Un nih afial chin mi an si i North Korea ah akir than tiah theih asi.

Indonesia nu le Vietnam nu nih hin Kim Jong Nam thah duh nak lungthin an ngei lo, phaisa hmangin midang hlen nak rapchiah mi tu asi tiah Bar Council nih an caih hmai hnu ah Tuchun cawn nikhat ni ah akawnglam vialte thianh dih i thiam co ter asi.

Hi lio ah hin Vietnam nu belte Luatnak an pe rih lo i Thawngin lei ah an kir pi than, Vietnam nu Nam Dinh i apa Doan Van Thanh nih Bars sin ah complain atuah i “ziah Indonesia nu lawng nan chuah i ka fanu nan chuah ve lo” tiah.

Indonesia nu hi an ram hruaitu Minister le Indonesia Justice hna nih Malaysia cozah sin ah official in Siti Aisyah hi chuah dingin voi tam an nawl cang, asi nain Vietnam nu belte hi Vietnam cozah lei in official in nawlnak pakhat hmanh an ngeih lo tik ah a kawnglam caih hmai piak asi rih lo i Indonesia nu konglawng an caih hmai hnu ah Siti Aisyah cu an chuah i Vietnam nu belte thawngin lei ah an kirpi than.

Siti Aisyah hi Indonesia lei ah azuang cawlh i Tuzan ah Indonesia aphan lai, Cozah official lei nih an rak don lai i thaizing ah lawmh nak Puai tuah piak asi lai.

Continue Reading
You may also like...
Click to comment

Leave a Reply

Your email address will not be published.

More in World

Facebook

Rel Bikmi

To Top