Connect with us

Khrihfa Bu Timi Cu Lenglang Zoh Dawhnak In Sakmi Biakinn Ttha Ah A Si Lo

Khrihfa

Religion

Khrihfa Bu Timi Cu Lenglang Zoh Dawhnak In Sakmi Biakinn Ttha Ah A Si Lo

Khrihfa bu timi cu lenglang dawhnak in sakmi biakinn ttha hna hi an si lo, Zumtu taktak pumh khomh nak hmunhma kha a si deuh, Minung tlawm, tam in cuaithlai ding a si fawn lo.

Velngeih nak caan chung ah hin minung nih sak mi biakinn ttha hna hi Pathian nih a duh mi a si hlei lo, Pathian nih a kan sermi kan takpum hi biakinn cu a si ko.

Minung nih biakinn a hmet, ngan minung tlawm, tam zoh in le ringawn um le um lo zoh in cun, Khrihfa bu ah mino tlawmtam zoh in khrihfa bu ttha an si le si lo cuai kan thlai hna i tahfung ah kan hman tawn hna, Biakam hlun chan ah cun minung nih sakmi biakinn ah pumhkhomh a si tawn, Cu ruangah Biakinn cu dawh le rem taktak in sak a rak si.

Asinain velngeih nak chan ah hin cun minung kut in sakmi biakinn theng te ah i pumhkhomh a hau lem lo, Kan takpum hi amah Pathian nih a kut in sermi biakinn cu a si, Zumtu vialte i tonnak hmun paoh kha Pathian biakinn cu a si i, Phundang chim ah cun Pathian biakinn a simi kan takpum aa tonnak hmun paoh kha khrihfa bu tiah ti khawh a si.

Zeibantuk hmun le caan hmanh ah zumtu taktak a simi minung 3,4 i pumhkhomh nak ah cun Pathian aa tel peng, Cu ruangah lenglang zoh dawhnak in sak mi biakinn hna i a biapi mi thil a si lem lo, Minung tlawm le tam cung zong ah aa hngat fawn lo, Pathian min in i ton pumh nak hmun paoh ah Pathian cu a um ve i, Cu hmun le hma cu khrihfa bu tiah kawh auhmi cu a si.

Almighty Of Christ

Click to comment

Leave a Reply

Your email address will not be published. Required fields are marked *

More in Religion

Facebook

Rel Bikmi

To Top