Connect with us

Keimah Ti Mi Porhlawtnak Ruang ah Single An Si

keimah atimi nu

Education

Keimah Ti Mi Porhlawtnak Ruang ah Single An Si

Nungak tlangval lio ahcun  mah le kawp cio in umkal a si konain zeiruang ah kawp ngei lo in Single in a ummi hna hi an um ve ? Mitha ka hmuh rih lo caah, ka hnakruh he kan i ton rih lo caah a si tiah a ruang an chim theu. Hi cu a ruang (reason) an hei chim sawhsawh mi bia khi a si, a ruang taktak te a rak um , mah cucu zeidah a si tiah cun an mah le mah an i uangtuk/uartuk caah a si tiah minung thinlung lei zohthiamsang pawl nih an chim.

1982-1999 karlak ah a chuak mi generation pawl hi an mah le mah aa uangtuk ( ttin-gyi) tuk mi an si tiah Jean Twenge (PhD)  cauk pakhat ah a langhter. Mah le mah i bochan hi a thami a si ko nain a hleihluat tuk mah le mah i uartuk/uangtuk hi a tha lo tiah a chim.

Kum 2000 hrawng ah a chuak mi “Millennials Gereration” tu chanthar tleirawl deuh pawl hi kawp ngei lo in single life in caan an liam deuh hna, mah ruangah pumpak an thiamnak a ngeimi an tam i thilti khawhnak an ngeih a sinain relational skills minung le minung i pehtlaihnak an thazaang a hung der.

A donghnak phichuak ahcun mah le mah i bochannak nih a lem cang hna tik ah mi pakhat khat he va i tlaihchannak  le va ibochannak hi an ngeih lo. Mah le mah i dawt mah le mah in kilkam lawng hi an caah a biapi bik ah ruah a si cang ,midang ruahnak le zei an rel ti lo.

Keimah te in zeitindah kaa nuamhkhawh lai ka lunghmuih khawh lai ti mi lawng an ruah cang. Midang feeling le ruahnak ah caan pek an zuam ti lo cun zeirel piak zong an huam ti lo ti a si. Hi bantuk ruahnak hi kan hrial khawh ahcun a tha.

Mah le mah izumhnak (self-confident) le mah le mah i dawtuk nak thinlung pawl ngeih hnu ah, pakhat khat kan i uar lai, Dating kan tuah lai tiah cun hnahnawhnak tam taktak a chuahpi tu a si. Mi tampi nih an chim theu mi kan mah le mah i dawt awk a si kan mah le mah kan i bochan awk a si ti mi hi a si, kan mah te in a nuam mi nunnak lam hi kan i sial awk a si tiah an chim theu.

Hi bia pawl hi a dik mi an si ko nain cheukhat psychologist pawl nih cun an duh lo, minung nunak a hrawh tuk ve an ti, kum 2000 kum hrawng ah a chuak mi ( Mellennials Generation )tuchan tleirawl pawl hi mah le mah idawtnak, mah le mah izumhnak thinlung kan ngeih mi hi rikhiah piak an hau lai tiah an zumh.

Ref: yourtango

Click to comment

Leave a Reply

Your email address will not be published.

More in Education

Facebook

Rel Bikmi

To Top