Connect with us

Kawlram i zuar ding minung 14 Palik nih an tlaih

Myanmar

Kawlram i zuar ding minung 14 Palik nih an tlaih

Kawlram lei ah zuar ding mi nu hngakchia minung 8 le pa 4 cu Mizoram khualipi Aizawl, Edenthar sang i Denghliri te in ah nizan ah khan YMA le Palik hna nih an tlaih i zuar an timh mi minung 14 hna cu Bawngkawn palik sakhan ah chiah an si tiah thawng kan theih.

Mizoram mino bu Edenthar YAM nih an chim ningah Pi Denghliri te in pawng hrawng ah hin ramdang mi abu bu in ai chawk vak mi an um tawn ruangah YMA nih athli te in kan ngiat thlai hna i lunghrin nak kan ngeih ruangah kan dawthlat, Central YMA sin ah thawng kan thanh, Central YMA nih Palik a auh hna i hi ban tuk in kan tlaih nak hna hi asi tiah an chim.

An tlaihnak in ngeitu Pi Denghlir nih achim ningah anaunu fanu Tahan, Kalaymyo i a um mi Madiki timi nih Myanmar ram i zuar ding ah minung alak i driver dang dang ahman i motor in aphurh tawn hna i kan in ah a chiah chung tawn hna, atu hi a voi 5 nak asi cang tiah achim.

Madik nih minung zuar ding alak mi hna hi zei hmanh document an ngei lo, Mobile phone cu an itlaih viar i asi nain sim card an thun loh.

Bawngkawn Palik nih an chim ningah Kawlram i zuar ding minung an lak mi hi Bangladesh in India ram Assam state ah luhpi an si i Assam state in Mizoram ah an luh pi, Mizoram in kawlram ah luhpi an itim tiah an chim.

Continue Reading
You may also like...
Click to comment

Leave a Reply

Your email address will not be published.

More in Myanmar

Facebook

Rel Bikmi

To Top