Connect with us

Kawlram A Um Ko Mi Malaysia Ah Auh Riangmang Australia Sokter Hi kan ngol A Hau

Chin ralzam

Chin

Kawlram A Um Ko Mi Malaysia Ah Auh Riangmang Australia Sokter Hi kan ngol A Hau

Melbourne le Sydney ah Ralzam phak a har cang lai. Kawlram a um ko mi Malaysia ah auh riangmang i sponsorship tuah hi kan ngol a hau

Melbourne le Sydney cu minung kan tam chin lengmang. Motor a tam chin lengmang tikah Cozah pi nih zei tin dah mah buaibainak hi kan phisin ning a si lai tiah fak piin ceihkhannak an ngei. Zapi zaran he an hmuhnak ai khat mi cu ralzam communities pawl le ralzam a rak phan ding poah hi cu khuate lei ah kalter ding hi a tha bik in an hmuh. An hmuh lawng siloin timtuahnak an ngei cuahmah. A um cia cang mi thialkam ter cu a fawi lo caah a phan ding mi pawl hi a tlawmbik kum 5 chung cu khuate lei ah um hrimhrim ding khuakhan lairelnak an ngei cuahmah. Syrian ralzam zong khuate lei ah an kuat cuahmah cang hna.

chin

Chin mi nih ton cuahmah mi;

++++++++++++++++++++

1 . An ceih cuahmah lio pi lawng a si rih nain kan Lai mi chung in a u le a nau bak Melbourne khua in sponsorship a tuah mi tam ngai te direct bak in reject ca an pek thluahmah cang hna.

2. Khuate lei a um mi hmanh direct in visa pe loin an umnak a hman maw hman lo ti an check cang. An kan kherhlai colh cang.

3. Australia Cozah nih CRC card in sponsorship tuahnak nawl a kan pek mi khi kan dirhmun a hman ti lo an theih ahcun an ngol colh lai. 842 form a thar an remh mi ah thut dirnak kongah a luancia kum 10 a thutdirnak kong tial a hau. A hlan ahcun kum 5 lawng a rak si tawn. A dang zong an remh mi tete a um. Malaysia Embassy interview an tuah mi hna zong a hlan bantuk siloin aluancia kum 10 an thurdirnak an kherhlai cang hna ti kan thei. Mah ruangah an reject mi zong an um cang.

4. Mäh he ai peihtlai mi cu 2015 hnu Malaysia a phan mi ca ko ah hin kherhhlai nak an tuah deuh. Thutdirnak kong an hal ah tha tein chim khawh lo ruangah reject a ton mi pawl khi Australia headquarter ah report an pek tikah CRC card in auhnak a tuah mi hi an si bik ti cu fawi tein an hngalh colh lai. Cu an hngalh tik ahcun CRC card in i auh khawh nak khi an dihter colh lai. Thinphan dai lo kan si.

5. Malaysia UNHCR card ai tleih mi le a ngei lo mi hna khi auhnak na tuah cun tuah ko. Na chungkhar Kawlram a um ko mi Malaysia nan auh hna i sponsorship auhnak nan tuah tikah a tlamtlin lo ahcun an nunnak hroh lawng siloin kan miphun belnang neh bantuk a si.

6. Miphun dang nak in Chin miphun hi Australia Cozah nih a hlei in scrutiny (kherhlainak) a tuah khawh fawn. A tuah cuahmah cang ti zumhnak kan ngei 7. 202 (842) sponsorship mi auhnak hi kanmah Chin mi ca lawng ah tuah mi hna ah ruat hlah uh. Kumkhat ah 202 ca hi case 800 an chia theo. Cu lak ahcun case 54,000 leng nih kan sok. Cozah caah harnak a tong tak lo mi le peihtleihnak a tha lo mi mah 202 visa pek hi a fawi lo mi a si.

Lamthar kawlning (alternative solution)

++++++++++++++++++++++++++++

Australia lei nih lam tha bik kan ser khawh mi cu khuate lei rian umnak ah a phu phu in pem i Cozah sin ah bomhnak ca tial. Mah hi community hruaitu hna nih biatak thlak ngai in kan i ruah theo mi a si. Cu ti family a za za in kan pem ahcun Malaysia le India um mi khi kum 3 chungah a za za in kan auh khawh ve hrim hna lai.

Credit: Sang Hre

Click to comment

Leave a Reply

Your email address will not be published.

More in Chin

Facebook

Rel Bikmi

To Top