Connect with us

Kawl ralkap cawlhcangh ning UN hnabei adong

Myanmar

Kawl ralkap cawlhcangh ning UN hnabei adong

UN Human Right office nih Myanmar ralkap mawhchiat nak thawng an thanh i Kawl ralkap cu Civil mi that tu ah apuh.

Nizan cawn ninga ni April 5 ah khan UN Hight commisioner for Human right nih Thawng an thanh i Myanmar ralkap cu hmun hnih, Rakhine le Kachin ah Miphun hnahnawh nak pek timh in an cawlcang, Civil mi antlaih, an inn an khangh piak, an ram an chuh, sullam ngei lo in Civil mi an hrem i athi mi zong an um tiah achim.

UN nih athanh chap ningah cawn nithumni zongah khan Kawl ralkap raltuknak Helicopter nih Buthidaung township thlanglei khawte aden i atlawm bik minung 7 an thi Civil mi tamtuk ithunawk nak kawl in an zam tiah UN nih thawng kan theih tiah anchim.

UN Human right Group thawngthanhtu Shamdasani nih achimchap ningah kum 2017 i Rohingya meithal tlai pawl nih Palik sakhan an va luh hnawh ruangah khan Kawl ralkap nih hin abik in Rohingya miphun hi thah le nawn le hnahnawhnak pek ai tim hrim hrim mi asi tiah achim.

Myawady Newspaper nih athanh ningah cawn nithumni ah khan Kawlralkap Helicopter nih Buthidaung Township aphomh i Rohingya mi minung pa 6 an thih pin ah midang pakhua hliam hma an pu tiah athanh. Asinain AA ralkap lei nih an chim ning ah athi mi le ahliam mi hi Rohingya mi silo in AA ralkap chungin asi tiah an chim.

Reuter Agency sin i AA ralkap nih an chim ningah Buthidaung Township chungi AA ralkap um an zumh nak ramtang kip ah Bomb an thlak tiah achim.

Khawtemi hna chim ning ah Kawlralkap Helicopter nih ramtang hmun kakip i Bomb an thlak lio ah hin Sai Din tiva pawng ah rawtuai akhoih mi zei mawzat an um, hi rawtuai khoih mi hi Rawtuai khoih in paw ai chawm mi an si tiah Soe Tun Oo nih achim.

Continue Reading
You may also like...
Click to comment

Leave a Reply

Your email address will not be published.

More in Myanmar

Facebook

Rel Bikmi

To Top