Connect with us

Kan Upat Hnu Ah Kan i Ngaichih Than Mi Thil

ngaihchih

Education

Kan Upat Hnu Ah Kan i Ngaichih Than Mi Thil

Ka No lio Ah Tuah Awk Kan Rak Tuah lo Ruangah Kan Upat Hnu Ah Ka i Ngaichih Than Tawn Mi thil.

1.Nuamhhaih le vah kan rak duh tuk

Nuamhhaih le vah kan ti tikah a phunphun in ruah/hmuh khawh si ko. Nu/pa lei nuamhnak , lawngkasa phunkip le party kip ah va nuamnak le leng chuah le vah ti bantuk in kan No lio ah Lunglawmhnak cu kawl cio a si. A Zattawk in nuamhnak zong cu kan rak hmuh khawh men. A sinain kan upat hnu ah mah le rian le nunnak cio in khua kan sak tik ah sining ah lungdiriam ti lo i, Ka caan than a rak um lio ahkhan Sianginn kha Thate in rak kai ko ning law, a siloah Thate in rak nungning law, cutin khatin rak um ning law ka nunnak hi ai rel deuh riangmmaang lai tiah Ngaihchihnak in le Zaangramnak in khuaruah than a si.

2.kan caan vialte pakpalawng in kan rak hman mi

Kan no lio ah zeipipa chuak lo in Nuamnak in kan caan ka rak hmanmi cu kan Ruahnak nih a rak phak khawh ve lo Ruangah caan vialte pakpalawng in kan hman dih ti awk tha lo nain, caan than kan rak ngeih lio ah ca rel lo in movies tu kan rak zoh deuh, kan caan tha kha lakphak dawr men ah kan rak hman cun vah le vaih sawhsawh men in kan rak um mi hna kha Upat hnu ah Awww! caan than an liam mu kan ti theo.

3.Tangka mansunglawinak kan theih lo

Tangka thongkhat ca nih thongkhat man (value) a ngeih ko. A a si nain kau deuh in hei ruat tuahhmanh, lam riantuan le lettama rian Tuanmi nih thongkhat ca tlap nga hmuh ding ah chunni tlak te thlati he riantuan a hau. Company ngeitu nih Nazi pakhat chung ah thongkhat cu fawite hmuhkhawh a si ko. Cu caah mah dirhmuh hoih in Tangka kawldan le hmanning cang kha tuaktan zia thiam a hau. Tangka value hi a tuaktan zia kan rak thiam lo ruang ah a Tumchok mi kan tam.

4.Fimthiamnak value (a man) kan rak theih lo

Sianginn kai lio ah cun DL ngeih bak lo ding. Ca lawng Thate in cawnding asi tiah i Cawnpiak deuh a si tik ah mino tamdeuh mi mek law tiah hmur iap phun in kan i la, sianghleiRun kai lio ah DL ngeih lo cu chantiluan dawi khawh lo bantuk ah kan cang hoi. DL ngeih ruangah kan fimnak a rawk ti cu si hlei lo nain, a caan lio ah Tih mi kha tha te in kan zulh lo i a herh lo mi Lukmalak ah ka i teiter ah cun kan i tih mi hmuhma kan phan kho lai lo. Awww! Sianginn Ca tu kha thate in rak cawngning law tiah ka ti theo tawn.

5.Hawikom tlawmte lawng rak ngeih

Hawikom chia le hawikom tha tiin an um ko. Mah fimtheihnak in cuaithlai i hodah komhawk le komhloawk a si ti cu thleidan thiam kan hau. Hawikom tlawmte lawng ngeih cu herhbau caan ah bawmh halnak kan ngei lo. Cun Business hawikom hna he kan sinpi khawh lo chinchap ahcun thancho nak lam ah a har. Cu caah caan a um lio ah Hawikom tha le bochan awktlak minung tampi he pehtlai khawh le hawikomh khawh kan i zuam awk a si. Hawikom tha cu Sui le Ngun an si.

Shwemom

Click to comment

Leave a Reply

Your email address will not be published. Required fields are marked *

More in Education

Facebook

Rel Bikmi

To Top