Connect with us

Kan Hnu Zarh Te UN Card Lawngte Minung 34 Tlaihkhih An Tong

tlaihkhihnak

Chin

Kan Hnu Zarh Te UN Card Lawngte Minung 34 Tlaihkhih An Tong

Naihrawng Malaysia thawngpang cu a chia ngaingai, pehzulh in a chia rih lai tiah thawngpang theih asi caah kan umkalnak cio ah i ralrin hna usih, kan hnu zarh Feb 24 ahkhan, Jingcang, Pudu, Kalang lama, Salayang le Bangsar hna ah Operasi tlaihkhihnak an tuah i minung tamlak te an tlaih hna, cu ah cun UN Card taktak bak aa tlaih mi minung 34 an tlaih chih hna, cu chung ahcun kan mah laimi minung 4 hrawng an i tel ve tiah CRC tlaihkhihnak lei i tuanvo ngeitu Saya Pakulh nih a chim.

Malaysia Palek le Immigration cheukhat cu UNHCR nih Chin ralzam an kir ter dih hna lai timi thawngpang an theih ve tik ah kuat ding bei an si ko cang cu tiah, UN catlap a tlaih mi cu tangka in rak i hlam uh nan i hlam lo ahcun kan in kuat colh hna lai tiah an tlerh hna, tangka pek lo ahcun lock up ah kuat colh atong mi an um len  tiah a chim chap.

Nizaan Feb 27 zong ah Kotaraya ah tleihkhihnak an tuah, Passport le UN card zong tlaih dih i kalpi an si hna, laimi minung 4 hrawng an i tel ve thiamthiam i Checknak an tuah hnu hna ah laimi cu an rak thlah dih than hna tiah theih asi, kan hnu Feb 24 i an rak tlaih mi hna cheukhat cu a tutiang an thlah hna lo. Cu caah UN card ngei he UN catlap a tlaih mi he kan umkalnak ah ralrin khawh izuam ko hna usih.

Note: Website catialtu hna nih kan catial mi rak la hrimhrim hlah

Click to comment

Leave a Reply

Your email address will not be published.

More in Chin

Facebook

Rel Bikmi

To Top