Connect with us

Kan Caah Zil A Rak Thatning

Education

Kan Caah Zil A Rak Thatning

Nifatin kan herhmi vitamin le thir dat hna hi zil pumkhat kan eimi nih a rak phihkhar khawh. Vitamin le thir dat hi nifatin kan herhmi an si. Nifatin  achoyi na din tawnmi ai ah khan zil hi ti ah ciah law ding hmanh, na pum nih a herhmi ti dat, a herhmi vitamin le thir dat an pek lai.

Zil ahhin vitamin, thir dat, hrihram a ngeimi dat hna tlamtling tein a um caah a dammi taksa le thinlung ngeihnak caah a tha cemmi a si. Zil kha ti ah ciah law thlalang dur ah rawn. Na kalnak hmun paoh ah i ken law na tihal caan paoh ah ding hmanh, zil thatnak na theih chin lengmang lai.

Zil le tanphaza hang

A herhmi cu zil pumcheu, tanphaza pumkhat, putinan hnah tlawmpal le cite an si. Zil le tanphaza thei kha pan tein riam hna law thlalang dur asiloah thlalang in sermi tikennak dur ah rawn hna.Putinan hnah kha cite he na phomh hnu ah na phomhmi a hangchuakmi le a fe kha thlalang dur chungah khan rawn ve hna. Thlalang dur kha a khat in ti rawn.

Tanphaza hang nih hin kan thin in a chuakmi hnithang hna kha kan rili tiang a luan khawhnak ding caah a bawmh i, ka takvun a ummi a narmi kan thau hna kha a tlauter. Putinan nih hin kan kik/daihter khawhnak a ngei i kan hnithang hna kan rili i an luan khawhnak dingah a bawmh ve.

A hring dekmakmi zil hang

zil hang

zil hang lawng bak asi mi

Zil le tanphaza thei kha pan tein raim hna law thlalang dur chungah rawn hna. Cun, mitsur thei a hringmi pum 10 kha cheu hna law dur chungah khan rawn ve hna. Dur chung ah khan ti a khat in rawn. Na din hlan ah ရုပ္ေကာင္းမႈန္႕ (black chilli powder) tlawmpal tein peih.

Mahhi zil hang na din ahcun na vunhawng a dawhter lai. Na pumchung ah a reumi ti dat le na thi chung i a ummi cini dat control nak ding caah mitsur hi a tha taktak. Insulin tlawmtam kha a control hlei ah insulin thlennawnnak kha a thatter. Tanphaza thei nih hin kan pawpi rawlrial ning kha a bawmh. Black chilli powder ahhin vitamin E tampi a um i, rawlrian ning zong  a bawmh ve.

Strawberry le zil hang

Strawberry le zil kha hmantlak a langh ning bantuk tein riam law thlalang dur ah rawn hna. Cun, rosemary hnah, putinan hnah le cite kha phomh din tein phomh hna law thlalang dur chungah khan rawn ve hna. Thlalang dur ah khan ti rawn. Na din lai ah tikhal tlang zong na rawn khawh.

Strawberry thei ahhin vitamin C, magnisuim le hrinhram dat hna an um. Strawberry hi a thawt lawng si loin takvun a phingmi/bomi damnak zong a um chih. Putinan nih hin hnithang kan rilpi tiang a lanh khawhnak dingah a bawmh pin ah kan pawpi zong a thatter. Rosemary hnah ah hin vitamin A, B,C, Calcuim, postassium tampi an um. Cinkennak thluak le kan thikal ning a thatnak ding ca zongah a bawmh rih fawn.

Lwinpyin

Click to comment

Leave a Reply

Your email address will not be published.

More in Education

Facebook

Rel Bikmi

To Top