Connect with us

Ka Ruat Pah: Christmas le Laithilthuam

Lai thilthuam

Education

Ka Ruat Pah: Christmas le Laithilthuam

Miphun pakhat kan sinak a langhtertu pakhat cu kan thilthuam hi asi. Laimi zong Laimi kan sinak a kan langhtertu pakhat cu kan thilthuam asi. Asinain kan thilthuam nih zei Biaknak dah kan si ti cu a langhtermi asi lo. A luancia kum zeimawzat ah Laimi chung in Biaknak dang asimi Kawlram minthang Thet Mon Myinh nih Laitthilhuam he Pura hmai ah Buddhist Biaknak he aa pehtlaimi TV cawngia (TV advertisement) a rak tuah bal. Cheukhat nih Pura hmai i Laithilthuam he laamlen cu tiah an rak soi pah zong ka theih bal.

Cun a luancia kum zong ah Pu Henry Van Thio Hakha a tlawn lio ah cheukhat Bawilian pawl cu Laithilthuam he Phungki hmai ah an khuk an bil i an biak len hna kan hmuh. Mi tampi nih kan soi ngai hna. A hman ngaimi a lo nain ruah satmat ahcun ruahpalh cikcek a rak si. Laimi Khrihfa kan si hnu ah Laithilthuam a neimi kan lo hnga cu mu. Khrihfa kan rak si hlan teh zeithilthuam dah kan neihmi asi hnga ti awk asi hnga.

Thilthuam nih Biaknak a langter lo ti hi Laimi mi tampi nih kan i fiang pah rih lo. Khrihfa mi nih ni sunglawi ah kan hmanmi Zarpi Ni, Thawhthan, Christmas tibantuk i Laithil kan i hruk ahkhin Khrihfa kan sinak a langhter lo batukin kan zumhnak zong a thawnter lai lo cu mu. Cucaah kan thilthuam hi kan Biaknak le Zumhnak langhternak caah siloin zei miphun dah kan si ti a langhtertu ah hmanthiam a hau. Laimi asi komi nih cun Biaknak dang si zong ah Laithilthuam he a mah Biaknak ah zalong tein a hman ve ding asi ko.

Kawl ram Vice President asimi Pu Henry Van Thio cu Khrifa asi bantukin rampi Vice President asi hnu in kum chiarte Christmas Lawmhnak Puai a tuah tawn. Tu kum 2018 Christmas zong sunglawi taktak in a tuah than. Hi Christmas Lawmhnak Puai ah ram hruaitu le uktu bawilian tampi nih an lawmhpi ve.

Hi zawn ah ka ruah ngaimi pakhat cu zeiruangahdah hi Christmas Lawmhnak Puai ahhin Laithilthuam ihruk in an rat hnga tiah tawn hnga tiah. Vice President Pu Henry Van Thio hi Laimi asi ruangah maw Laithuam an ihruk hnga asiloah Laimi upat a kan pek ruangah maw si hnga siloah Christmas Lawmhnak Puai tuahtu le sawmtu Pu Henry Van Thio upat an pek ruangah maw si hnga siloah Khrihfami le Christamas upat an pek ruangahdah si hnga?

Pu Henry Van Thio nih cun nan rat tikah Laithil nan i hruk lai ti cu a ti bak hna lai lo hehe. Laithilthuam he Christmas Lawmhnak an hmanpi tawnmi cu lugnlawmh tuk ding asi ko nain kamkhat lei vun ruah ahcun Christmas hi Laimi lawng nih an tuahmi siloah Laimi ca lawng ah asimi a lo pah thulhthalh. An mah sining le hrukeih tawn ning te khin hei lawmhpi ve ko hna seh law zei khi dah a hei lawh nga.

**Laithilthuam kan ihruk ahkhin Khrihfa ka si ti nakin Laimi ka si ti i theih a biapi deuh.

Credit: Ceumi

Click to comment

Leave a Reply

Your email address will not be published.

More in Education

Facebook

Rel Bikmi

To Top