Connect with us

Ka Nunning Hi A Tlamtling Lo Tuk Tiah Vuivai Hlah

ngakchia pawl

Education

Ka Nunning Hi A Tlamtling Lo Tuk Tiah Vuivai Hlah

Midang nih Cycle mansang Motor mansang an i cit khawh ruangah, Kei vial kaa cit kho lo ka ngei kho lo tiin vuivai hlah, Umnak inn ngeih lo ruang i a vakvai mi ngakchia pawl nak cun inn na ngeih rih caah, Na tlamtling deuh ko.

Thil thar a chuakmi paoh hawi bantuk in a caan um lio i na cawk khawh lo ruangah ka chambau  tuk tiah ruat hlah, Nangmah bantuk in nikhat voikhat thil i thleng kho loin mi nih pek chom hlut chom mi thil aa hrukmi ngakchia pawl nak cun na tlamtling deuh rih.

Hringtu na nu le pa nih sianginn an in chiah khawh lo ruang i na hawi le tluk in catang sang na phak khawh lo kong ah vuivai hlah, Nang cu cattial carel tal na thiam rih dah kaw, Nangmah tluk tiang sianginn khawh lo ruangah an min hmanh ttial aa thiam lomi ngakchia nak in cun fim thiamnak ah na sang deuh rih ko.

Hringtu na pa zuu ding saei a si ruangah, Na pa cu zuu ding pa zoh in zoh hlah, Hringtu pa cu hringtu pa an si ko, Nangmah bantuk hringtu pa le zuu ding saei hmanh kapa tiah kawh auh awk ngei loin a ummi ngakchia pawl nak cun hringtu pa na ngeih rih caah, Na tlamtling deuh rih ko.

Hringtu na nu cu bazar chung ah Nga” Sa mehhang zuar in aw hrang piin a au khuang i midang nu le bantuk in biathlum bianem a chim thiam lo tiin hringtu na nu cung ah lungfahnak va ngei hlah, Nu le cu nu le an si ko, Hringtu na nu nih an nun pi rih caah, Nai lawmh ding a si, Kanu tiah kawh auh a duh ko nain, Aho khi dah ka uah lai ti awk hmanh a ngei lomi ngakchia pawl nak cun na tlamtling deuh rih ko.

Na sifah ruangah ka chambau tuk ka tlamtling lo tuk tiah ruat hlah, Zeitluk hmanh in rum ngei law nu le pa ngei lo ngakttah na si ah cun a tlamtling kho hlei lo, Hringtu nu le pa he nun nuam in caan nan hman mi hmanh kha na caah cun a tlamtling tuk cang. Hringtu nu le pa zong na ngeih, Nu nu le na pa nih kut ke tling tein an in hrin, Cu ruangah nan sifah zong ah lungdong in um hlah, Kut ke tlamtling in hrinmi na si kha a za tuk cang lo maw.

Vawlei cung ah hin nu le pa nih nun pi loin ngakttah dirhmun in a um mi hna le kut ke tling loin hrinmi hna an tam tuk, Cu ruangah zei kong hmanh ah lungdong lungrawk in um hlah, Na tlamtling tuk cang, Nangmah nak in a tlamtling deuhmi na hmuh hna ruang i na lungrawh ah cun, Nangmah tang i a ummi hna kha zoh tthan hna law an mah nak in na tlamtlin deuh nai thei lai.

Click to comment

Leave a Reply

Your email address will not be published.

More in Education

Facebook

Rel Bikmi

To Top