Connect with us

Inn dawt cim mi nih achilh mi minung pa 3 chanh khawh

World

Inn dawt cim mi nih achilh mi minung pa 3 chanh khawh

India ram thlanglei Karnataka ramkulh i inn dawt dawt 5 acim minih a chilh mi minung pathum cu tuchun cawn ni 5 ni ah him dam te in an chanh khawh, hi inn dawt nga hi cawn nihnih ni i acim mi ani i acim mi asi, suimilam 60 chung achilh hna.

official lei nih an chim ningah hi inn dawt cimh nak in minung 17 nun nak aliam, mi dang 54 him dam te in chanh an si cang, atu an konglam theih lo in minung 4 Building cim minih a chilh hna, bawmh chanh nak rian tuan chuah mah lio asi tiah an chim.

Building cimh nak in him dam te in chanh mi lak ah minung 5 cu bia hal awk ah Palik nih an tlaih i Building sa tu construction Company zong sual phawt i dan tat nak ing dingin tazacuai cawlh an si.

Tuchun i an chanh mi hna minung pathum cu an taksa ah hliam hma fak tuk hmuh ding aum lo nain suimilam 60 chung Building kek kuai mi nih achilh hna tik ah an ngan dam nak chek hlat dingin sizung lei ah kalpi an si.

India ram ah hin cu hlan zongah hi bantuk vanchiat nak hi acang tawn, aruangbik cu Construction sa tu Contractor le Company pawl nih an Construction sak nak ding Budget tuk mi chung in an rak eihmuar ve tuk ruangah asi.

Continue Reading
You may also like...
Click to comment

Leave a Reply

Your email address will not be published.

More in World

Facebook

Rel Bikmi

To Top