Connect with us

Indonesia tilian ruangah athi mi minung 100 an phan cang

World

Indonesia tilian ruangah athi mi minung 100 an phan cang

Disaster agency nih nihin March ni 20 i an thanh ningah Indonesia, Papua pengkulh i tilian le leicim ruangah athi mi minung 100 ruak char asi cangin midang zei maw zat thawngpang theih lo in atlau mi an um rih tiah achim.

Minung 10,000 leng hmunhma him lei ah ttial an si i minung 104 ruak char asi, midang 79 thawngpang theih lo i atlau mi an si i kawl cuah mah an si, asi nain him dam te in kan hmuh lai ruahchan nak a um tuk lo tiah Disaster Agency nih Reuter sinah achim.

kan hnungzarh zarhteni i tilian athawh le lei acimh nak in ruh kial ban kiak le hliam hma dang apu mi minung zei mawzat an um i atlawmbik minung 40 paoh cu lei nih achilh hna zumh asi.

Tilian le leicim in ahim dam mi minung 10,000 leng cu hmun him lei ah tthial an si, hi tilian athawhnak hi Australia chaklei, Independent Papua New Guinea tikulh le Papua pengkulh irit nak pawng ah asi.

minung 2,300 hrawng nih mitlau kawlrian an kalpi i, khuasak nak in zakhat renglo pin ah siangin le cozah in zei maw zat ai rawk, Indonesia ah hin October thla in April thla tiang hi ruahti atam caah kum chiar mah bantuk in tilian le leicim hi acang tawn.

January thla ah khan Sulawesi timi tikulk ah lei arak cim i minung 70 an rak thi ve hoi cang, hi athi mi lak ah Malaysia Tourist minung pahnih an itel ve.

kan hnungkum September thla ah khan Sulawesi tikulh i Palu timi hmun ah li arak ihnin i minung 2,200 hrawng bak an rak thi.

Continue Reading
You may also like...
Click to comment

Leave a Reply

Your email address will not be published.

More in World

Facebook

Rel Bikmi

To Top