Connect with us

India Ralkap nih Kawl ralkap AA doh nak ah an bawmh chanh

Myanmar

India Ralkap nih Kawl ralkap AA doh nak ah an bawmh chanh

AA spokesperson U Khine Thukha nih Irrawaddy sin i achim ningah AA le Kawlralkap ikah nak ah kawl ralkap cu india ramchung ah an lut i India ralkap nih an rak bawmh, tințan hna an rak pek tiah achim.

U Khine Thukha chim ningah Kawlralkap cu India thlanglei, Mizoram ramkulh Paletwa le Mizoram iri nak Lawngtlai Distric in an lut i Lawngtlai in km 22 hrawng ahlat nak Parva khawte India border security camp ah an um tiah achim.

Assam thawngzamh caa nih thawng azamh ve ningah AA ralkap le Kawl ralkap cu Paletwa township Kaladan tiva kuangah an i kap i Kawlralkap Minung 500 renglo nih India border an phiat i Zarhteni ah khan Mizoram chungah an lut i Zarhpini ah Lawngtlai Distric Parva khua India ralkap camp ah India ralkap hna he an um ti tiah thawng azamh ve.

AA spokesperson U Khine Thukha nih achim ningah “hi hi India cozah sin i ka message siseh, kawl ralkap, kum 2017 ah Rakhine ramkulh ah mi in le lo akhangh piak, tlaih hrem, civil mi thah le nawn nak achuah ruangah Bangladesh ah minung 700,000 an zam phah”

“ICC tiangin an vun lut i Kawl ralkap hremnak ding tiang khua an khan lio ah zei ruangah dah kawlral kap an rak huhphenh? India hi ICC ah member asilo ma? hi bantuk i Kawlralkap a huh phenh ding asi ah cun ICC in chuak seh” tiah Irrawaddy sin ah achim.

Irrawaddy nih Kawlralkap Commander in Chief Spokesperson asimi Zaw Min Tun sin ah AA Spokesperson puhnak cu an hal i asi nain bialehnak an pelo, Mizoram leimi chim ningah cun kum 2018 ah Chin ramkulh, Peletwa ah meithal kahnak ruangah minung 1700 renglo an vun zam i acheu cu an kir than, atu ah hin ralzam minung 200 hrawng Mizoram ah an um rih, thawngpang dang theih mi kan ngeilo tiah an chim ve.

Continue Reading
You may also like...
Click to comment

Leave a Reply

Your email address will not be published.

More in Myanmar

Facebook

Rel Bikmi

To Top