Connect with us

India nih Satellite akah tlak

World

India nih Satellite akah tlak

India Prime Minister Narendra Modi nih TV i achim ningah Vansang Satellite kah tlak nak anti-Satellite cu tlamtling te in ser asi cangin ahneksak nak ah Satellite kahtlak asi tiah achim.

Satellite an kahtlak nak hi India nichuah lei Orisha state in asi, Modi nih achim chap ningah Satellite kahtlak nak kan ser nak ruang cu Ral asimi nih India ram ngiat thlai nak Satellite an thlah ah cun rak kahtlak piak an silai tiah achim.

Vawleicung ah hin Satellite kahtlak nak Anti-Satellite hi ram 3 lawngnih an rak ngeih, cu hna cu USA, China le Russia an si i aram 4 nak sidingin India zongnih Satellite kahtlak nak avun ser hi asi.

Prime Minister Modi nih achimchap ningah hi Anti-Sattellite nih hin Missile le Neuclear zong akham khawh, Vansang lei hriamnam lei ah India kar ahlang chinh lengmang, Satellite zong tam deuh in vansangah chiah chap asi lai tiah achim.

India nih vansang satellite akahtlak mi hi vansang 300km i asan nak i um mi asi, Kum 2022 ah hin Vansang ah minung thlah khawh nak ding timh lamh cuah mah asi tiah Modi nih TV ah achim.

Continue Reading
You may also like...
Click to comment

Leave a Reply

Your email address will not be published.

More in World

Facebook

Rel Bikmi

To Top