Connect with us

I.O.M Riantuan Saya Eric He Biaruahnak

IOM riantuan

Chin

I.O.M Riantuan Saya Eric He Biaruahnak

Malaysia UNHCR he riantuan tti IOM zung ah holhlet in riantuan mi Salai Cenhrang (Eric) interview hi rak rel ve ding in kan sawm hna.

A riantuanak : IOM (International Organization for Migration), Malaysia

Tuannak Kum : Kum 5 le Cheu

IOM cu departments 3 in a um;

  1. Operation Department (Ops)
  2. Medical Department
  3. AUS-CO (Australia Cultural Orientation)

Saya Eric a rian tuannak : 1. Operation Department (Ops) ah a si. Azung riantuan ning kongkau ah biahalnak  ka tuah mi cu atanglei bantuk in a chim.  Malaysia laimi tampi nih UNHCR, IOM le OPE tibantuk hi kan thlendang thiam tawn lo IOM nih ariantuan mi cu zeidah asi rak rel ve.

Eric

Saya Eric le ariantuan tti hawi

Saya Eric: Operation Department (Ops) nih kan tuanmi;

  1. US (ram thumnak) nih cohlan a si cangmi ralzaam paoh, an kalnak ding tuanvo kan lakpiak hna. Eg, Malaysia ram in chuah khawhnak (Exit Permit), vanlawng ticket…tbk.
  2. Non-US (US ram a si lomi paoh), Australia, New Zealand, Canada, Sweden, Norway le Denmark, cun Japan tiangin IOM nih kalnak tuanvo a lakpiak hna.
  3. Phaisa (Sponsorship) in chungkhat, unau, nulepa le nupi pasal i kawhauhnak tiangin tuanvo a lakpiak hna.
  4. Mah lungtho tein mah chuahkehnak ram zongah kirnak (Assisting Voluntary Repatriation) a tuah duhmi hna ca zongah tuanvo a lakpiak thiam hna.
  5. IOM, Operation Department nihcun mah bantukin ram thumnak a kal dingmi paoh cu an kal ding nithla le caan thawngthanhnak a tuah hna.

Chinmi ramthumnak a kal mi zat kan hal tik ah a tanglei bantuk in a kan let ?

US Kalmi (2013-2018)

===================

Keimah IOM (Malaysia) ka tuan hnu in atu tiangah kan Chinmi US ram ah a kal cangmi hna hi 30,000 helham cu an si lai. A hleicein, 2015 le 2016 ahkhan an tam bik. 2015 kum ah tha tein cazin khawmhsuatnak ka rak tuahmi ah Laimi (Chinmi) lawngte mah kum ahkhan minung 7,556 an rak kal.

Non US (US a si lomi)

=================

Non US lakah cun Australia ram nih (202 Visa) in Chin ralzam tam bik a kan lak. Canada le New Zealand ram hna nihhin kum khat ah tlawmpal tete cu an kan lak pah ve. Cun Japan nih 2016, 2017 le 2018 (tukum) ah chungkhar pahnih thum te cu an lak ve hna. Kum vui 2019 incun Korea zong nih tlawmpal te cu a lak ve te lai. Sweden, Denmark le Norway ram pawl tu hna nihhin cun Chinmi cu vun chim lo Malaysia in ralzam hrim cu an kan la ti lonak a sau cang.

Notes:

Ram thumnak a kal deng cangmi hna nih na phone tlaih na ralrin peng a hau. Kalni thawngthanh na si cangah cun phone number thar i thleng ti hlah. Cun ram thumnak na kal tikah Kawlram nih sermi thil le eidin phun (a hleiin zuuk, hmawm, khai,…tbk) na ken/phorh chih lai lo. Thi nan i sit dih hnu thlali hlan hi cun kal ni  hlatnak (sungsan) tuah rih duh hlah thla 5 hrawng asi hnu lawng ah inquiry rak tuah hi a thacem.

Malaysia ah a hodah interview tuah awk ah a tha tiah na lung ummi kha comment ah rak tial law, tuah khawh ka rak i zuam hna lai. ka lawm

Click to comment

Leave a Reply

Your email address will not be published. Required fields are marked *

More in Chin

Facebook

Rel Bikmi

To Top