Hringtu Pa Nih Kum (15) A Fanu A Tlaihhrem Lengmang Caah Nau A Pawi

A poi ti leng chim ding um lo (Hmaw Bi) myo khuate pakhat ah kum (38) tluk hringtu pa (Than Zaw Win) nih a chungchuak fanu kum (15) nute cu a tlaihhrem zungzal caah nau a pawi tiah theih a si.

Minu nih hringtu a pa cu ka sualpi hlah tiah zangfah a nawl len nain hringtu pa nih a duh lo caah a sualpi i, Midang sin na chim ah cun kan thah lai tiah a hrocer hnu ah an chungkhar dang an um lo caan poah ah zankhat lak in a sualpi hi a si, Atu ah ngakchia nu cu a paw thla 4 a si cang tiah theih a si.

Hi thil cang ruangah tlaihhrem sual tuahtu hringtu pa Than Zaw Win cu palek nih an tlaih cang i, Pehzul in biahalnak chekhlainak an tuah lai tiah theih a si.

Minminsoe