Connect with us

Hringtu Nu Le Pa Nih Hlawtmi Tafar Hna 2 Cu Uico Kawm Chungah An Um I Uico Eimi An Ei Ve

Unau pahnih

World

Hringtu Nu Le Pa Nih Hlawtmi Tafar Hna 2 Cu Uico Kawm Chungah An Um I Uico Eimi An Ei Ve

Tuluk ram ah unau a simi kum (6) tluk pa ngakchia le kum (4) tluk nu ngakchia 2 uico riahnak kawm chung i tawh an hrenh khumh hna lio hmanthlak cu online ah mipi nih an ceihphai tuk caah, Nawl ngeitu nih thil cannak hmun ah chekhlai nak an tuah tiah theih a si.

Cawmkeng tu a ngei ti lomi unau 2 cu uico riahnak ah an riak i, Uico eimi an ei ve, Cun a thiang lomi ti zong an din lio kan hmuh tiah pawngkam minung nih an chim, Nawl ngeitu nih chekhlai nak an tuah tik ah hringtu nu nih hin a luancia kum 1 ah khan a lohtlau tak hna i, Hringtu pa zong nih tidang ramdang ah hlawhfa rian ttuan ding in a kal tak hna tiah theih a si.

A bik in unau 2 a zohkhenh tu hi an putar a si, An pu nih a lenvah lai paoh ah an tlau sual hnga ti phan in ngakchia 2 cu uico kawm chung ah tawh a hrenh khumh hna hi a si, Ngakchia hna 2 cu nawl ngeitu nih an lak cang hna i ngakttah cawmnak ah an chiah chung hna tiah theih a si.

Tadin Htoo

Click to comment

Leave a Reply

Your email address will not be published.

More in World

Facebook

Rel Bikmi

To Top