Connect with us

HAWIKOM TI MI A SULLAM

hawikom

Education

HAWIKOM TI MI A SULLAM

Hi ca parte hi adik tuk ka ka ti. Ka lung a tling kho tuk. Hawi kom timi hi nang zei tin dah a sullam na fian ning a si.A ngai ngai ti ahcun hawikom ttha timi cu thikhat sakhat an si lo nain thikhat sakhat nak in neihniam deuh in a daw kho mi an si.

Aa duhdaw mi an si lo nain a duh daw mi nak in a theithiam kho deuh mi an si. Ruahnak a cheutu Bawi cu a si lo nain a herh caan ah ruahnak petu le a herh ning in ceihmai pitu a si. Kan thinlung cu pakhat a si lo nain kan harnak a kan temh tuarpi khotu a si. Mi khamh tu cu a si lo nain har nak temh in nak tiang in aa bawm kho tu an si. Kan ngaihchiat caan zong ah an liang te hlanh in kan mitthli a kan hnawh piak kho tu a si.

Kan mah te in zei kan tuah khawh ti lo caan zong ah kut chanh bawmh ding in timhcia te in a um peng mi a si. Ralcu an si lo nain bia i al pah, i sik i caak pah, chikhat hei i huat i then khawh thai lo i dawt than, zei ti i ti zong ah aa fahsak kho lo mi an si.

Hawi kom ttha timi cu kan mah kan phak khawh lo nak dirhmun an phak tik zong ah mah hi ka hawipa a si ti in a hmaihngal pi ngamtu a si. Kan mah nak in an niam deuh zong ah kan mah tluk si kho tiang a si khawh lo hmenh ah a si khawh tawk in bawmh aa tim mi a si.

A hawikom har nak a tong ti a theih tik ah a mah har nak a ton tiang in a hawi pa /nu a ngaihchiat lo nak hnga caah aa khat mi kan si ko ti lungput he a intuar pi tu a si. A mah nakin a sang deuh mi a hawi pa caah hei lawmhpi ii a mah nak in a niam deuh mi a si ahcun kutsih bu te in cawisan ve a tim mi hi hawi kom ttha an si.Ka hawi tiah auh mi zeitluk an tam ko zongah kan ngaih nak chimh dingah mah hawi le chung hin pakhat te tal hmenh zumh awk a tlak mi a um lo ah cun mah vial te kha na hawi kom tha tak an si lo.

Click to comment

Leave a Reply

Your email address will not be published.

More in Education

Facebook

Rel Bikmi

To Top