Connect with us

Good friday dramma can nak ah Zesuh lemcang athi

Religion

Good friday dramma can nak ah Zesuh lemcang athi

Kum 89 aluancia, Kum 1930 lio i thil acangmi asi nain atutiang atuanbia adaih khawh lo ruangah ka vun in hrawmh hna.

Mizoram Chawngtlai khua minih Zesuh kong an hngalh lo ruangah Presbyterian khrihfa upa Pu Thangchhuak nih thawngtha arak chim i Zesuh kong arak tial, asi nain Chawngtlai khua mi nih carel an rak thiam rih lo ruangah Zesuh kan caa i atemtuar nak an rak thei fiang kho loh.

Cu tik ah Presbyterian khrihfa upa Pu Thangchhuak nih Zesuh kan caa i atemtuar nak cu Dramma piah atimh, hi lio ah Chawngtlai khua mi Tlangval pakhat amin Sakhuai cu zesuh zumtu asi i “ka khua mi le ka nu le ka pa hna nih Zesuh kong an hngalh nak ding asi ah cun zei bantuk fahnak pauh ka ing la Zesuh lem ah ka cang lai” tiah airak pumpek i zumtu cheukhat hna he Good Friday dramma cu an rak cang.

khuachung mipi dihlak an rak chuak hna i cu dramma cu an zoh cio hna, ahram thawk ah cun Zesuh lem cang Sakhuai cu Rome ralkap lemcang hna nih amuaitam lawng in an muai tam, asi nain amuaitam lawngi muaitam ah cun mipi nih zesuh temtuar ning an i fian lailo ruangah Sakhuai nih cun Zesuh an chaih bantuk in chaih ve dingin achimh hna.

Chawngtlai mipi nih Zesuh temtuar nak an theih thiam nak lai Tlangval Sakhuai cu Vailamtah an put ter i Rome ralkap lemcang pawl nih cun zesuh an chaih bantuk bak in an chaih ve.

Dramme an can lio ah cun Sakhuai nih vailamtah atlukpi pah, an chaih chih pah, cu lio ah cun ahnung in ‘Zoh tuah, khamhtu bawi an kalpi cang’ timi hla an sak pah.

Dramma an can thlut cun akhua ning bak in hrinthan nak an hmuhdih, Sakhuai belte Zesuh lem acan nak ah an chaih nak le Vailamtah ai nenhter nak pawl ah ataksa afak, athi chuak atam, tu lio bantuk in thlawpbul nak tha an ngeih lo tik ah anun nak aliam.

Sakhuai pumpek nak ruangah Chawngtlai khua mipi nih Zesuh an hngalh, Sakhuai hi athih ah hin Kum 26 mi asi chawngtlai khua minih upat nak he aruak an rak vuih.

Continue Reading
You may also like...
Click to comment

Leave a Reply

Your email address will not be published. Required fields are marked *

More in Religion

To Top