Connect with us

FRO Thawngthanh: MYRC Card Sernak Kongkau

MYRC

Chin

FRO Thawngthanh: MYRC Card Sernak Kongkau

June 07.2018 ah Community leaders le MYRC CEO Mr. Leong cu MYRC office ah tonak an ngei. Malaysia i refugee pawl caah Cozah nih MYRC Card tuah dingin TRIS company cu tuanvo an pek, Malaysia Parliament zong ah  approval an tuah cang. Cozah nih a tinhbik mi cu a ramchung ah refugee pawl fiangte in theih an duh ruang le hmailei ah bawmhchannak ding le  illegal migrants le workers pawl he thleidan a duh ruang ah a si bik.

A that nak :

  1. MYRC card tuah ahcun tlaihkhih ah kan luat lai. card hi Cozah nih chuah mi a si , IGP(Police hotu bik) le Director of immigration (Immigration hotu bik) hna i an minthut (signature) cu card cungah a um dih lai.
  2. MYCR card inhin Government hospital ah 50% discount a um lai.

A tuah man :

  1. Kum 0- 18 : Free
  2. Kum 19-59 :Rm 500
  3. Kum 60 tlun : Free
  4. Card hi kumkhat a nung (validity) asi.

A tuahdan ah phun 3 in then asi.

  1. UNHCR card ngei mi
  2. Asylum seeker card or cahnah atlaih mi
  3. Community Card atlaih mi

Hminsin : Community card hi community in unregister list kan ngeihmi pawl hi home ministry ah kan kuat lai i kan halta  a hau mi asi . An cohlan(approve) hnu lawngah tuah a ngah ding mi asi, community card a deu (duplicate) le (a tak ) original an rak check nak ding ah a si.

Card va tuah tikah  thil a herh mi mi pawl:

  1. Address theih ding
  2. Riantuannak Company min le Adress
  3. Kum 18-59 kar lak Rm 500 iken ding.
  4. Malaysia ah nau a ngei mi pawl nih birth certificate iken ding.

Card hi thla khat lo le thla 2 chungah aa chuak ding asi. Card cungah hotline number zong a um chih . Cun card hi ti na thlau ahcun thar lak than khawh asilo, renew caan a phak tik lawngah na ngah than lai. Card kan thlau sual asi ahcun police report tuah i report nak ca he  MYRC office ah card atlaunak kong va chimh a herh mi a si.

Fiangdeuh in theih na duha hcun FRO- ( Falam Refugees zung ah hlathlai khawh asi)

Siaherhnak he FPM-FRO

Kuala Lumpur, Malaysia

Click to comment

Leave a Reply

Your email address will not be published.

More in Chin

Facebook

Rel Bikmi

To Top