Connect with us

Fanu A Ngeimi Hringtu Pa Le Nih Theih Ding Thil Phun (12)

fanu

Education

Fanu A Ngeimi Hringtu Pa Le Nih Theih Ding Thil Phun (12)

(1) Fanu le nih hin hringtu pa dawtnak hi an herh peng
Thil cawk piak le chimhhrin nak in hringtu pa le sin in an duh dawtnak an herh deuh, Nangmah hlei in ahohmanh nih apa bantuk in a zohkhenh tu dang an um lo, Hringtu pa pakhat na si ah cun na fanu kha kan dawt tuk timi bia chim ding in i harh len hlah.

(2) Na fanu nih a vat dingmi pasal cu nangmah cung ah aa hngat
Fanu le nih an vatmi pasal hi hringtu an pa le he an ziaza aa lo tthoe tawn, Fanu le nih kapa he ziaza aa lomi tlangval he hin kan zia aa kaih bik lai tiah an ruah ruangah a si.

(3) Na fanu nih a ngaihmi hla kha na ngaih ve ding a si.
Khual nan tlawn ah siseh na fanu nih a ngaih bikmi hla kha ngaih khawh i zuam ve law cu lawng ah chanthar hla na thei kho lai, Zei hla dah a lar bik ti na theih ah cun na fanu he hmun khat ah nuam tein caan nan hmang kho lai.

(4) Hringtu nu/ na nupi na chawnh biak ning dan kha an ngiatthlai peng
Fanu le hi kilven lawng in a za lo, Ka nu hi kapa nih ttha tein a chawn bia maw tiin an ngiatthlai peng, Hringtu an nu le zei ah a rel lomi hringtu pa hi fanu le nih an huat ttheo tawn hna.

(5) An pawng te ah um khawh i zuam
Nikhat hnu nikhat an tthan ngan tik ah fanu le hi hringtu pa le he an i chawnh biak a tlawm, Nu kokek sining dawhnak le hawi le kom ngandam nak aa thlen ruangah na fanu cu naih ngam lo phun in na um awk a si lo.

(6) Zaanglek tuah ter peng
Nu a si ruangah zaanglek nak in aa dawhmi angki le ttamhnak pawl cun carel te hna hi papek in a tuah ko lai nain, Zaanglek tuah a philh lo nak hnga zong hi a biapi tukmi a si.

(7) Philh khawh lomi caan ser piak
Philh khawh lomi ni caan hna hi a biapi tukmi an si, Chungkhar ah philh awk ttha lo ni caan na ser khawh nak hnga na fanu kha caan va pe, A chuahni ah leng chuah tibantuk baisakup zohpi te hna hi na tuahpi awk a si, Tangka tampi dih in tuah theng a hau lo.

(8) Na fanu cu vawlei sining kal ning kong chimh cawnpiak philh hlah
Zei thil kong hmanh ah hi thil cu chungkhar lawng ah a cangmi a si lo vawlei sining he a kal tti i aa tlaimi thil a si ti kha a theih fian nak ding ah na chimh cawnpiak ding a si.

(9) Na fanu nih puai kalnak a ngeih nak hmun ah telpi khawh i zuam
Na fanu nih sianginn ah lam ding in caan a ngeih a si ah cun lunglawm le thanuam tein na teltum pi i na zoh ding a si.

(10) Na fanu kha caan pek khawh i zuam
Zeitluk hmanh in na rian tam law inn na phak i nangmah pakhat lawng TV na zoh nak in cun na fanu kha chawn bia law amah he bia i ruah ko.

(11) Thinlung ttha ngei ding in cawn piak
Biaknak kal ning a si zong ah chungkhar ser cang hnu ah cun midang cung ah dawtnak zawnruah nak thinlung a ngemi a si khawh nak hnga le nun zia dawh in a nungmi a si khawh nak ding ah na cawn piak ding a si.

(12) A thei lo bantuk in um hlah
Na fanu nih sual palh nak a tuah tik ah remh piak ding in ttuanvo a ngeimi na si, A thei lo bantuk in um hmang hlah.

Click to comment

Leave a Reply

Your email address will not be published.

More in Education

Facebook

Rel Bikmi

To Top