Connect with us

Fa Fim Fa Ttha Ngeih Na Duh Ah Cun A Tanglei Bantuk In Cawn Piak Khawh I Zuam.

fafim fatha

Education

Fa Fim Fa Ttha Ngeih Na Duh Ah Cun A Tanglei Bantuk In Cawn Piak Khawh I Zuam.

(1) Ni fatin suimilam cheu chung na fa he hmunkhat ah a zuam phun le theih a duhmi konglam kha ceihruah tti nak va ngei peng.

(2) Na fa kha a ngakchiat tein thianghlim tein chia peng, Cu tin na tuah ah cun aa tthan pi lai, A bik in a pum thianhlim nak ding kha a biapi ah chiah khawh i zuam.

(3) Lungsau tein na fa nih a chimmi bia kha ngaih piak khawh i zuam, A hnatla i a cohlang mi bantuk muisam keng in ngaih piak khawh i zuam fawn.

(4) Na fa cu ralrin ka pek ti phun in a luancia konglam kha telh chih in a thar in phok tthan lengmang hlah, Cu bantuk bia atu le tu na chim ah cun, Na chimmi a lak men an si i a duhmi paoh a tuah tthiamtthiam ko lai.

(5) Na fa kha a palhnak na hmuh sin in na palh tiah cawn piak colh, Cun sual palh nak nih a chuahpi mi a hnuzul kha a theih fian khawh nak hnga ttha tein chimh cawn piak khawh i zuam.

(6) Nangmah nih na rak tlinh lo mi na si khawh lomi konglam kha na fa sin ah chim lengmang hlah, Dr ka si khawh lo ruangah ralbawi ka si khawh lo ruangah tiin na fa kha na rak tlinh lomi rian tlinh ter tim hlah.

(7) Na fa kha a pi le pu sin ah kum caan sau pi chia hlah, An duh dawt tuk ruang i a luar sual ah cun a poi tuk lai.

(8) Lungsau tein na fa kha tuanbia cauk rel piak law amah kha chim ter tthan, A ruahnak le a hmuh ning kha hal law a ttha/chia thleiden zia a thiam nak hnga va chim cawn piak.

(9) Na fa kha a biachim a cawlcangh ning a tthangcho maw tiah zohfel nak tuah piak peng law thazang pek a herh caan ah va pe tawn, Caan a rauh deuh tik ah a tthatnak theipar na zun ko lai.

(10) Thinlung ttha a ngeih khawh nak hnga a ngakchiat tein cawn piak, A ttha bik mi cawn piak nak cu na fa hmai ah midang chiatnak kong chim lo kha a si.

(11) Mithmai panh tein um a thiam khawh nak hnga ttha tein va chim, A fawi bikmi cawnpiak nak cu nangmah kha panh tein um zungzal hi a si.

(12) Na fa cu fawi tein biakam nak va pe hlah, Na pek sual a si zong ah a si khawh chung in tlinh ter khawh i zuam.

(13) Na fa cu midang fa he tahchunh riangmang in san na tlai lo tiin va ti sual lai cih.

(14) Na fa nih a tuahmi rian kip ah conglawmh zia thiam law a tthat khawh chung in va lawm zungzal.

(15) Na fa cu zeitik hmanh ah va tthihpheih hlah.

(16) Na fa cu mihmai ah hro in va vualhpamh hlah, Cu ti na tuah ah cun na fa cu zumhnak ah a thazang a der lai i a ttum chuk ko lai.

Click to comment

Leave a Reply

Your email address will not be published. Required fields are marked *

More in Education

To Top