Connect with us

Cucu Tthawnnak Tak Cu A Si

Education

Cucu Tthawnnak Tak Cu A Si

Cucu Tthawnnak Tak Cu A Si. (Nuzung Hrangtlung tialmi)

Nu a simi paoh nih a liam cia tuanbia an ngeih dih. A cheu cu taksa fahnak peknak in rak namnehmi an rak si. A cheu cu a hleiluat tukin tukvelh a hmangmi nu le pa zong a ngeimi an um. Mi cheu cu puitling sinak kongah tlamtlin lonak zong an ngei tthiam i a cheu cu an ngakchiat tein mah chungkhat unau lila nih horduh cuainak he rak soisem le rak thlanglamh a tongmi zong an rak um. A cheu cu duhdawtnak ah buaibai ngai le lungrak ngai in an um i a cheu cu duhnak min chalh in nupa sinak tuahpi dingin duh lo buin rak soilemmi zong an um. Mi cheu cu sii tongh nak nih a nun a chilhmi a um i a cheu cu tlaihhrem zong an rak tong. A cheu cu ihkhun chungah a thli tein nupa sualnak tuahpi i vidoe rak tlak mi zong an um ve. A cheu cu an tlangval tthing nih tthihphaihmi, tlerhkhonhmi zong an um i a cheu cu tukvelhnak a tammi ngaknu tlangval i duhnak (abusive relationship) ah a ummi zong an um. Nuphung theihnak kong ah buaibainak zong an ngei i aa tthentthekmi inn chung khar a ngeimi zong an um hna. A cheu cu pasal le he an i tthen i a cheu cu thau tukin a ummi zong an um. Tangka lei ah chambaunak an ngei i a cheu cu nunnak i lak awkah aa tim lengmang in a hlawhtling lomi nu zong an rak um tthiam.

Hi bantuk harnak a tong cangmi nu, a mitthli kha i hnawt riangmang in, a sam kha aa tom i, mirhnak te he a ngaihchiatnak kha a hup i, tthawng ngai le sang ngai in a dir i, a chung lei nun ah ruahchannak a ngeihmi ruangah hmailei kal chih aa tim i dawtnak hi a nung rih ko timi ruahnak tehe lung dong lo tein a ummi nu tthawng na hmuh tikah, a liam cia a caan ruahah a hnu lei in namte in sawh va tim hlah. Hmaitonh in a palhnak kha a hmaimilh va tim hlah. A hmai ah vualpamhnak he va beng hlah. A kalnak ding lam kha onhpiak law, a pawngte tu ah kal i zuam. A kut zong kha hei tlai ko law chikkhat chung tel cu kalpi ko. Zeitlukin dah hi nu hi a rak thlum i a ruahchannak a ngan zia kha na hngalh ko lai. A thazaang vialte a loh dih hnu i amah le aa zohkhenh ning kongah na khuaruah a har ko lai.

Cu bantuk nu cu na inn pawng a ummi na inn pa nu theng lawng kha a si lo kho men. Na hawi kom lila, na u nau lila, na ngaknu lila, na nupi le an hringtu na nu zong kha a si kho men ko.

A liam cia a nun ruangah namneh hlah, zohchuk hlah. Amah nih a tinco awk a simi a daimi le a thiangmi hmailei ruahchannak kha pek i zuam ko. Mi sualnak lawngte a hmu khomi Vawlei ahhin a kut tu fek tein tlaih i zuam ko. A tinco dingmi dawtnak kha pek i zuam zungzal ko.

-Avish Ramegolan

Click to comment

Leave a Reply

Your email address will not be published. Required fields are marked *

More in Education

Facebook

Rel Bikmi

Advertisement
To Top