Cristiano Ronaldo €14 million Tax Kong A Buai Peng Rih Ko

Vawleicung minthang pumpululh chuih thiam Cristiano Ronaldo cu caan saulak te Spanish cozah he Tax  kong ah abuai cang, a tu cu €14 million Spanish Tax ( Ngunkhuai) apek cang i a hlan ah ngunkhuai a rak pek lo mi zong ka palh ko tiah a chim than tiah Spanish newspaper El Mundo nih an langhter.

Spanish Treasury (tangka) chiahnak zung nih Ronaldo nih 2011 in 2014 tiang ah a hmuh mi phaisa hi ngunkhuai ape lo tiah an ti, a pek ding mi zat cu €14.7m (£12.8m) ding asi, a pek lo ahcun thongtla kho ding dirhmun asi caah a pek than.

Ronaldo’s  nih tax a pek mi le a proposal cu  Spanish Treasury nih a tu hi a zoh cuahmah lio asi i a donghnak biakhiahnak an tuah rih lo, Treasury zung nih kan cohlan lo an ti i Ronaldo hi a palh ko tiah a sualnak an hmuh ahcun kum 3 chung  thongtla kho asi.

Ronaldo nih 2017 kum chung lawng ah a hmuh mi phaisa hi $93million (£69m) bak si tiah Forbes Magazine nih an langhter. Amah Ronald nih nih cun hi a Tax case kong hi  tukum world cup June 14 hlan ah khar a duh tiah theih asi.

MSN