Connect with us

Cozah pi ni UNHCR zung khar dingin nawlbia achuah

World

Cozah pi ni UNHCR zung khar dingin nawlbia achuah

Kenyan Cozah nih UNHCR agent sin ah Dadaab Refugee camp khar dingin nawlbia achuah, Dadaab refugee camp hi kum 30 chung kalpi asi cang i hika ah hin ralzam minung 400,000 in 500,000 karlak an um.

Dadaab Refugee camp ah hin Somali mi an tam cem i kum 1990 civil war lio in Kenyan ram ah azam mi an si, ralzam dang pawl cu South Sudan, Congo le Burundi lei mi an si.

Kenyan cozah nih zeiruangah dah Dadaab Refugee camp khar afial nak kong fiangfai in chim a um loh, Kum 2015 ah khan South sudan mi minung 80,000 cu an ram ah kirter than an rak sinain ram abuai rih ruangah minung 30,000 hrawng cu Kenyan ram ah an rak kir than.

Kenyan biacaihzung sang Hight Court nih Cozah nawlbia chuah mi cu sullam ngeilo nawlbia ah apuh i Somalia pawl cu an ram ah hremnak atemtuar mi an si ruangah Kenyan ram ah dor ter rih dingin Cozah anawl.

Kenyan ram i Ralzam a um mi pawl hi Kenyan UNHCR nih phun thum in tawlrel nak angei, UNHCR nih bawmhnak phaisa pek i an ram i kir, Voluntier in kir hrim hrim ahau mi bawmhnak phaisa pek, bawmhnak phaisa zong pek loh, kir zong duh ter lo i Kenyan UNHCR tangi um tiphun in phun thum in tawlrel nak an ngei.

Kenyan ram ah hin Refugee camp hmun thum ah a um i Dadaab Refugee camp, Kakuma refugee camp le Nairobi Refugee camp tiin hmun thum ah refugee camp a um.

Continue Reading
You may also like...
Click to comment

Leave a Reply

Your email address will not be published.

More in World

Facebook

Rel Bikmi

To Top