Connect with us

Conor McGregor WWE lei ah ai phomh ve canglai

Celebrity

Conor McGregor WWE lei ah ai phomh ve canglai

UFC Hero tiah theih mi Iris pa Conor hi vawleicung mino hna nih cun atheilo mi kan um lai azumh um lo, UFC paraltha le vuak thiam, voi tampi Champion angah cangmi asi i kan hnungkum 2018 ah Russia pa Khabib nih arak tei mi kha asi.

Roman Reign cu Cancer zawtnak angeih ruangah WWE achuahtak, Roman Reign ai vun awh dingin UFC hero Conor cu WWE ah ai phomh ve canglai.

Atu ah WWE ah aminthang bikmi le an uar bikmi cu Pa lei ah Brock Lesnar asi i Nu lei ah Rousey asi, Brock Lestnar hi UFC zongah airak thongh ve bal, Roman Reign nih interview nak i achim ningah UFC hero WWE ah keimah ai vun awh dingi aluh cu WWE alinsa tatak te lai, WWE star hna lak ah uar bikmi le mipi ttanh cem mi zong asi kho tiah achim.

Conor nih afans le pawl sin ah theihternak atuah i “ka fans pawl MMA ka chuahtak canglai, adang pical tatak mi le ttih anung tatak mi i phomh nak ah ka lut lai” tiah achim i asi nain MMA achuahtak nak ruang le WWE i luh aduh nak ruang achim loh.

WWE ah cun vuak thiam nak in Pumraw ngan, Thazang thawng lawngte i phomh nak asi i Conor hi apumrua zoh ah Big Show te pawl cawi kho ding le Teng kho ding thazang angeih lai azumh um lem lo, WWE nih hin i phomh ning phungning ‘Law’ an ngeih ve.

Conor hi zeitik ah dah John cena, Brock Lesnar, Triple H, Stone cold, Braun Strowman, Bobby Lashley te pawl hna he an i phomh hna lai ti afiang rih lo, asi nain WWE ah alut cang ti cu biafiang asi cang.

Continue Reading
You may also like...
Click to comment

Leave a Reply

Your email address will not be published.

More in Celebrity

Facebook

Rel Bikmi

To Top