Connect with us

Chungkhar Ah Upa Bik Dirhmun Na Tlinh Ah Cun Hringtu Na Nu Chang Tu Na Si Ko

Upa bik

Chin

Chungkhar Ah Upa Bik Dirhmun Na Tlinh Ah Cun Hringtu Na Nu Chang Tu Na Si Ko

Chungkhar unau rual ah upa bik nu hna cu a 2 nak hringtu nu an si bantuk in nau le nih hringtu nu a chang tu bantuk in an i bochan hna lengah hringtu nih aa bochan bikmi an si fawn. Amah nak ngakchia a nau le caah a in tuar mi a tam bantuk in chungkhar a huppheng tu a si fawn, Upa bik dirhmun an tlinh ah cun nau le caah zohchunhtlak hmaikal an si i chungkhar mithmai a kauh ter tu an si fawn.

Upa bik nu hna cu a nau le caah khurkhua a ruat i an duhherh mi a phihkhar piak tu an si tawn, cun a nau le an sualnak le an tthatlo nak zong nu le pa tluk in a ing tuar mi an si fawn, A nau le an um caah ei din kong fenh eih kong tiang in a mah nak in a nau le a siaherh tawn zungzal hna.

A herh ah cun chungkhar pawcawm nak caah, Nu le pa tluk in a ttuan i amah sianginn kai i ngol zau in a nau le fimnak a cawn ter hna, Inn rian ah nu le pa a bawmh hna lengah hmai chia lo tein a nau le an duh herh mi a tuah piak tawn tu zong an si.

Cheukhat chungkhar ah cun nau le papek tuk ruangah a donghnak ah lengttul a simi zong hi upa bik ttheo hi an si, Uu ttha a ngei mi nau le caah cun hringtu nu 2 ngeih tluk a si tiah chim khawh a si, Upa bik nu hna cu 2 nak hringtu nu an si ko.

Upabik nu hna cu hringtu nu tluk in nau le cung ah a rian a lim i a theithiam mi an si, Na u cu zeirel loin na um sual a si ah cun hringtu na nu zeirel loin na um he aa khat ko ti kha na hngalh zungzal awk a si.

Shwe news

Click to comment

Leave a Reply

Your email address will not be published.

More in Chin

Facebook

Rel Bikmi

To Top