Connect with us

Chinpa Nih Cathiam lei In Premier’s VCE Award A Hmuh

Chin

Chin

Chinpa Nih Cathiam lei In Premier’s VCE Award A Hmuh

Mark Cung Hup Lian nih Chin Hakha tang 12 VCE subject ah Victorian Education Department nih kum khat voi khat an pek tawn mi Premier’s VCE Award a hmuh. June 3, 2019 ah Education Minister le Deputy Premier a si mi James Merlino nih zapi hmai ah a pek.

Premier’s VCE Award hi siangsangrun siangngakchia (tang 12 VCE a phimi siangngakchia) hna pekmi laksawng ahcun Victoria ramkulh chung ah a sunglawi bikmi laksawng a si.

Phunthum in an pek tawnmi a si i, atu tan ah Mark Cung Hup Lian nih a hmuhmi hi tang 12 VCE subject pakhat cio ah mak sang bik (Top score) a hmumi siangngakchia hna chung in thim i pekmi a si.

2018 kum ah phitmi VCE tang 12 caminpuai ah Chin Hakha VCE subject ah mark 50 chung ah 46 (top score) a hmuh caah Premier’s VCE Award an peknak hi a si.

Mark Cung Hup Lian cu VCBC Lead Pastor Rev. Japheth Lian le Pi Irene hna i an fapa a si.

2016, 2017 le 2018 kum hna ah siangngakchia 70 leng nih tang 12 VCE caminpuai ah Chin Hakha VCE subject an phit cang i, minung 7 nih top score an hmuh cang. Asinain, mark 50 chung ah 46 leng a hmumi lawng kha Premier’s VCE Award an pek hna. A caan ah, mark 46 cung a hmu mi paoh zong in pek a si lo. Cucaah a sunglawi khunnak cu a si.

Tang 12 caminpuai ah Chin Hakha VCE a voithumnak an phit (a kum thumnak) ah Chinmi nih atu bantuk in Premier’s VCE Award an hmuh hi a si.

Australia ram ah Chin siangngakchia tampi nih sianghleirun ah an kai duhmi an cawn (luh) khawh nakding ah Chin Hakha VCE nih minung tampi a bawmh cang hna.

Lian Ding Hmung

Click to comment

Leave a Reply

Your email address will not be published. Required fields are marked *

More in Chin

To Top